Ribadeo, 10 de febreiro de 2021. O Concello adquiriu unha novidosa máquina para proceder de forma máis áxil á limpeza das cunetas, segundo deu a coñecer o concelleiro de Medio Rural, Jesús Mundiña.
O edil nacionalista, contou que “o concello de Ribadeo conta con case 430 quilómetros de camiños de titularidade municipal, dos cales 298 serven de comunicación a núcleos de poboación e de servizos ás fincas de explotación agrícola, e 132 son pistas forestais”.
Mundiña sinalou que “o mantemento desta ampla rede de camiños rurais do concello representa un grande problema para os operarios municipais que, actuando permanentemente cos medios mecánicos dos que dispoñen para labores de desbroce e limpeza de cunetas (dous tractores e unha retroescavadora), non conseguen mantelos ao longo de todo o ano nun estado de todo satisfactorio”.
O concelleiro de Medio Rural subliñou que “para tratar de resolver este problema o concello, a proposta da Concellaría de Medio Rural, ven de adquirir unha novidosa máquina de fabricación inglesa para limpar cunetas, que está sendo probada satisfactoriamente en camiños rurais do concello. Trátase dun cabezal que se acopla ao brazo dos tractores e que vai removendo e recollendo a terra acumulada no fondo da cuneta para deixala espallada pola marxe do camiño, co que esta queda en condicións de facilitar a circulación da auga”.
Jesús Mundiña engadiu que “esta máquina permite facer unha labor de mantemento e conservación das cunetas dos camiños de forma moito mai áxil que a retroescavadora que se ven utilizando para esta labor, e que a partir de agora seguirase utilizando, pero soamente nos casos nos que se teñan que retirar grandes cantidades de materiais depositados nas cunetas”.
O Concello de Ribadeo adquiriu unha novidosa máquina para proceder de forma máis áxil á limpeza das cunetas
Relacionado
-
Un tren con 30 pasaxeiros choca contra unha árbore en Ortigueira
-
A Feira de Gando de Cangas ofrecerá este domingo actividades gratuítas e exhibicións ecuestres
-
O delegado territorial da Xunta en Lugo, Alfonso Villares, participou este venres na entrega de premios da XXXVI Semana Náutica de Ribadeo, que organiza o Real Club Náutico da localidade e conta co apoio do Goberno galego
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
