Burela, 6 de febreiro de 2021. O Partido Popular de Burela asegura que, no pleno ordinario deste pasado xoves, quedou demostrado o escaso compromiso que ten o alcaldes, e o seu equipo de goberno, co Servizo de Axuda no Fogar (SAF). Tal é así que o socialista, indican, quere suplir esa falta de compromiso súa cun esforzo extraordinario da Xunta de Galicia.
E todo elo, a sabendas de que o Goberno galego concedeu máis de 4.000 horas máis para esta prestación, co seu consecuente desembolso económico. “O Sr. Llano conxelou o gasto que figuraba no Plan Único para esta fin, deixándoo nuns 40.000 euros, cando vai haber un 12 % máis de horas destinadas aos fogares de Burela que o precisen, poñendo de manifesto unha forma de proceder totalmente incomprensible”, manifestan.
A este respecto, afirman: “É moi fácil manter un servizo cando os fondos os pon outra administración. A escusa que poñen parece ser que é que o goberno do Sr. Llano non ten cartos para asumir este servizo. Neste sentido temos que lembrarlle que ao mellor había algún fondo máis para destinar ao SAF se o ano pasado non adxudicaran o servizo de recollida do lixo máis caro da historia, cun desembolso anual extra de máis de 156.000 euros ao ano”.
Outra forma de asumir o custe deste importantísimo servizo sería se, este ano, sacaran a concurso o mesmo por unha contía inferior, tal e como si fixeron noutros Concellos da zona, como por exemplo Vilalba, que o sacou a concurso por un custe por hora un 20% inferior. Dende o PP de Burela entenden que por este prezo o Concello socialista de Vilalba tamén tentará dar un servizo de calidade aboando aos profesionais do sector un salario digno.
Os populares fan fincapé nisto último porque parece ser a escusa que poñen dende o goberno e Llano para sacar a concurso un prezo por hora que agora son incapaces de asumir. “Preguntámonos se neste caso será verdade ese dito popular de que socialismo e despilfarro van collidos da man”, indican.
Obras que benefician ao alcalde
No referente ás obras que figuran no Plan Único, denuncian que o alcalde comece a arranxar as beirarrúas de Burela –“non era sen tempo”-, pola Nosa Señora do Carme, casualmente a rúa na que reside.
“Esperemos que agora si, os múltiples accidentes que se teñen dado entre os peóns polo mal estado en que este goberno local do Sr. Llano ten as beirarrúas de Burela, diminúan”, afirman.
Os autónomos e a covid, non contan para o PSOE
Noutra orde de cousas, o que tamén quedou claro neste pasado pleno é que o PSOE non ten ningún interese en axudarlle aos autónomos de Burela, xa que dende setembro que anunciou as “paupérrimas” axudas que lles ía prestar (apenas 50.000 euros), aínda non foi quen de repartilas entre os, xa máis que enfadados, membros do tecido económico e empresarial local, tal e como demostran nunha nota publicada estes días nos medios de comunicación.
“Neste sentido o Sr. Llano votou balóns fora, culpando aos funcionarios que as tramitan e ás normas que el mesmo aprobou”, critican.
Do mesmo xeito demostrouse que, para o alcalde Llano, a covid é cousa do pasado e non ten importancia xa que diminuíu a partida, que para esta fin se destinaba no Plan Único, entorno a un 20%, o que supoñen uns 15.000 euros menos para esta cuestión.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
