Lourenzá, a 17 de febreiro de 2021. O voceiro do Grupo Municipal do PP de Lourenzá, Javier Rodríguez, pide ao goberno local, como medida preventiva, a retirada inmediata dos paneis que quedan revestindo o edificio municipal da Casa da Xuventude e o Punto de Atención á Infancia (PAI) tralo recente desprendemento dunha das chapas do lateral que rematou por caer na beirarrúa, un problema que se repite periodicamente. “Garantir a seguridade dos veciños, peóns que circulen pola zona e usuarios do PAI é o prioritario; mentres non se chegue a realizar a obra de mellora que tanto tempo leva anunciando o goberno local”, expón.
O popular critica a actitude “totalmente pasiva” do goberno local ante este asunto porque “levamos dous anos advertindo do perigo e incluso no pleno de setembro do ano pasado preguntamos de novo ao equipo de goberno se agardaban a que houbese danos a terceiros para arranxar este problema; pero a alcaldesa escusouse dicindo que se se quitaban as chapas, se producirían filtracións de auga. A realidade é que se producen filtracións igualmente debido á falta de paneis e ao estado lamentable dos que quedan no lateral do edificio”. Aínda así, “dende o goberno local non actuaron para evitar posibles riscos ás persoas”, lamenta.
Rodríguez explica que “estes desprendementos se producen cando fai moito vento”. Por iso incide en que “é necesario retirar os elementos que supoñen un perigo para as persoas porque o lugar onde caeu a chapa este martes é moi concorrida polos pais e nais que levan e recollen aos seus fillos no PAI. Houbo sorte de que non causou danos materiais nin persoais”. O voceiro do PP engade tamén que “é unha irresponsabilidade por parte do goberno local non ter actuado con máis rapidez para dar solución a este problema”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
