Lugo, 17 de febreiro de 2021. A Deputación de Lugo comezou este mércores a impartir a formación do novo plan que acaba de poñer en marcha para os traballadores e traballadoras públicos da institución. Trátase dunha Acción Formativa para o Procedemento de Promoción Interna Horizontal, dirixida a 321 empregados da entidade, máis da metade do cadro de persoal.
Esta acción prolongarase ata o mes de maio e conta con tres niveis, en función dos distintos grupos de clasificación profesional do funcionariado. Hai catro módulos, que tratan sobre a propia Deputación, recursos humanos, procedemento administrativo e novas tecnoloxías. Impartiranse 8 edicións dos distintos cursos, que en total suman 320 horas de formación.
Co fin de facilitar a participación e co fin de extremar a prevención ante a pandemia da Covid-19, a formación desenvólvese de xeito telemático.
Unha institución máis eficaz, áxil e próxima
Esta acción é pioneira entre as administracións públicas de Galicia, tanto polas características da formación, como polas súas dimensións e alcance. Como avanzou o Presidente da Deputación, José Tomé Roca, na presentación desta iniciativa, o plan cumpre un dobre obxectivo. Por unha banda, dá ferramentas aos empregados e empregadas públicas da Deputación para progresar na súa carreira profesional a través da mellora das súas competencias e capacidades, o que supón un salto nas súas condicións laborais e salariais. E, por outra banda, mellórase o funcionamento da Deputación e, polo tanto, a atención aos concellos e á cidadanía, e a prestación dos servizos públicos”.
Con esta formación a Deputación de Lugo continúa avanzando cara unha institución máis eficaz, áxil e próxima tanto aos concellos coma ao conxunto da veciñanza. Para logralo, considérase imprescindible contar cun corpo de funcionarios ben dimensionado e tamén ben preparado, especializado e con coñecementos permanentemente actualizados.
Co Plan de Formación para a Promoción Interna Horizontal, o Goberno da Deputación de Lugo fai realidade un acordo da Mesa Xeral de Negociación, o órgano de diálogo entre a Administración pública e os representantes sindicais.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
