Lugo, 18 de febreiro de 2021. O Partido Popular presentará iniciativas nos Concellos, no Congreso dos Deputados e no Senado para demandar ao Goberno central que non inclúa o lobo como especie protexida. Esta medida súmase á anunciada no día de onte polo Grupo Provincial na Deputación, a través da que no pleno do vindeiro martes, os deputados do PP tamén demandarán que se manteña o actual status das poboacións desta especie.
Esta “ofensiva conxunta”, explica a presidenta provincial, Elena Candia, obedece á intención do ministerio de Transición Ecolóxica e Reto Demográfico de engadir ao lobo na Listaxe de Especies Silvestres en Réxime de Protección Especial, unha decisión que é contraria aos intereses das comunidades do norte do río Douro (Castela e León, Asturias, Cantabria e Galicia), que son as que concentran máis do 90% do lobo de España e cuxas explotacións gandeiras sofren os ataques.
“Son moitos os danos ocasionados nas explotacións de todos tipo na nosa provincia”, advirte a presidenta provincial, indicando que “nós o que pedimos é que se controle a súa expansión, xa que as perdas que se lles ocasionan aos nosos gandeiros son moi elevadas”. Concretamente, segundo datos facilitados pola consellaría de Medio Ambiente, a provincia de Lugo rexistrou en 2020 un total de 678 avisos por ataques. Destes, 209 foron a cabalos, 382 a ovellas, 70 a cabras e 375 a vacas. Resultaron falecidos 1.036 animais.
Datos “alarmantes e moi preocupantes”
Os datos, segundo destaca a dirixente dos populares na provincia, “son alarmantes e moi preocupantes”, polo que “non hai argumentos para considerar a esta especie precisada dunha atención e protección particular ao amparo da listaxe de especies silvestres de protección especial”.
Os concellos cunha maior incidencia foron, por esta orde: Abadín, con 84 avisos e 96 animais mortos; Muras, con 76 notificacións e 85 reses falecidas; Ourol, con 68 avisos e 73 cabezas de gando afectadas; O Valadouro, con 68 chamadas e 84 animais perecidos; Vilalba, con 60 notificacións e 92 reses mortas; e, Xove, con 32 avisos e 50 cabezas de gando falecidas.
En total, os gandeiros da provincia formalizaron 557 solicitudes de axudas á Xunta de Galicia por estes ataques, correspondentes a 900 animais (194 equinos, 331 ovinos, 58 cabrún e 317 vacún); o que supuxo un custe para a administración autonómica de máis de 197.000 euros. “É dicir, de controlada a súa incidencia, o Goberno galego non se vería na obriga de conceder estas axudas, polo que podería aforrar estes case 200.000 euros e investilos noutras actuacións da provincia”, remarca Candia.
A decisión do Estado ao detalle
A decisión do Estado non parece tomar en conta que o lobo en Galicia cumpre as condicións que marca a Directiva Hábitats. Esas condicións, en resumo, son que os datos sobre a dinámica das poboacións das especies en cuestión indiquen que a mesma segue e pode seguir constituíndo a longo prazo un elemento vital dos hábitats naturais aos que pertenzan; a área de distribución natural da especie non se estea reducindo nin ameace con reducirse nun futuro previsible; exista e probablemente siga existindo un hábitat de extensión suficiente para manter as súas poboacións a longo prazo.
Incluír ao lobo na listaxe de especies silvestres en réxime de protección especial conlevaría poñer trabas á xestión desta especie tal como se veu desenvolvendo durante estes últimos anos, mediante o Plan de Xestión do Lobo en Galicia, para garantir a viabilidade desta especie no noso territorio e compatibilizar este obxectivo coa gandería extensiva e coa viabilidade económica das explotacións agropecuarias. Ademais, a situación actual do rural, as actividades agrícolas e os usos tradicionais do monte está a ser un elemento favorecedor para a extensión do hábitat idóneo para esta especie.
Esta medida prexudica, sobre todo, á gandaría extensiva, que é a máis ecolóxica, permite unha xestión sostible da biomasa, axuda a previr incendios e favorece e preserva os habitats naturais.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
