Viveiro, 18 de febreiro de 2021. O Concello de Viveiro informa do reinicio da programación cultural do Teatro Pastor Díaz. As novas medidas sanitarias anunciadas pola Xunta de Galicia esta semana permiten a reapertura ao público do teatro, que acolle este sábado a primeira función.
A concellería de Cultura do Concello de Viveiro organiza a programación cultural do teatro, que retoma a súa actividade con dúas representacións no mes de febreiro.
“Desta forma, queremos apoiar á cultura e non adiar a programación, porque é un sector moi castigado e necesita todo o apoio das institucións”, asegura Lara Fernández Fernández-Noriega, concelleira de Cultura de Viveiro.
A obra de comedia, “O Premio”, de La Quintana Teatro, recibirá ós espectadores/as este sábado 20 de febreiro ás 19:00. A representación está dirixida ao público adulto e trata sobre un futuro próximo no que o progreso tecnolóxico e a loita cara ao éxito provocaron que un reality en directo, “O Premio”, sexa a única forma de conseguir a felicidade. Nesta función, o público pode escoller entre tres finais posibles en función do seu desexo.
Doutra banda, os pequenos e pequenas da casa poderán gozar o sábado 27 de febreiro ás 18:00 de “Pinocchio”, de Ghazafelhos Teatro. A obra, dirixida á nenos/as a partir de 5 anos, é unha adaptación libre do conto tradicional libre da obra de por Pepablo Patinho. A posta en escena mestura títeres, teatro actoral e música en directo nunha obra chea de humor e sensibilidade.
En todas as representacións será obrigatorio o cumprimento do protocolo COVID-19, implicando o uso de máscara e de xel hidroalcohólico. Ademais, deberase manter a distancia de seguridade en todo momento. Por último, segundo a normativa actual da Xunta de Galicia, a capacidade máxima do teatro será do 30%. Polo tanto, asignaranse as butacas e agruparase ás unidades familiares.
As entradas poden reservarse no teléfono 982560162 ou no enderezo electrónico: rgb.cultura@viveiro.es en horario de luns a xoves.
Achegamos a programación cultural completa dos meses de febreiro, marzo e abril 2021, que pode estar suxeita a cambios en función do contexto sanitario.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
