Burela, 14 de febreiro, 2021. O Pescados Rubén Burela FS, avalado pola filosofía laranxa, fixo sufrir este mediodía ao sempre poderoso Movistar Inter (5-3). Os mariñáns estiveron moi condicionados polos erros na primeira parte; así Movistar puido distanciarse a través de dous roubos e un dobre penalti, entre os minutos 10 e 13. Con 3-0, os pupilos do Mariskal regresaron ao encontro sen perderlle a cara e sabendo como loitar, xerando cada vez máis perigo cun gran minuto, o 34, no que se achegaron ata 3-2. Con todo, a letalidade interista atopou o acerto necesario na recta final para contrarrestar a coraxe mariñá.
Cunha gran presión interista e unha boa lectura dos laranxas sobre o rival, ambas as filas dispuxeron de ocasións aínda que o electrónico se resistiu ata a medianía da primeira parte. Tras a aparición de J. Herrero no 7 fronte a Javi Rodríguez, os galegos responderon perfectamente nas máis perigosas do Movistar no minuto 8, con Tripodi chocando contra Renato, e Fernando ante Pazos. Tivo a oportunidade de adiantarse o de Ames nun pase longo de Kaluza, que desartellou por arriba o meta local; contaron tamén cunha falta indirecta os laranxas, pero foi o titánico conxunto de Tino Pérez o que atopou a recompensa. Con 42 segundos para o ecuador da primeira parte, os locais conseguiron adiantarse nun roubo de Borja en primeira liña que puido perforar a rede galega en combinación con Cecilio. A punto estivo de igualar a contenda acto seguido cun pase longo de Kaluza que cazou en volea Giasson. Pescados Rubén tivo que remar co lastre das cinco faltas desde o minuto 12 e baixou certamente a súa liña de presión defensiva. Tras o segundo tanto de Movistar en dobre penalti de Fernando (minuto 13), Juanma Marrube pediu aos seus orde e rapidez en inicio, pero inmediatamente chegou a terceira laxa, cun erro de saída que aproveitou Cecilio. Con 3-0, a escuadra burelista mereceu máis; soubo recompoñerse, subiu liñas e tirou de coraxe e serenidade para xerar en ataque, cunha gran transición no 17, que se lle foi por pouco a Quintela, e no 19, de novo o 23 laranxa, nun pase de Pazos no que J. Herrero se aplicou a fondo.
No reinicio, Pescados Rubén Burela gañou en intensidade na presión de balón e soubo dar continuidade á súa dinámica de ataque. Despois dunha correctísima intervención de Kaluza en dous pasos, no 27, ante Pito e Borja, chegou a fase burelista. Renato, Giasson e Quintela puxeron moito perigo sobre J. Herrero para recortar distancias nuns minutos nos que Movistar que estaba a perder rigor e eficacia ofensiva. No 34, Matamoros fixo tremer o traveseiro en falta, pero foi Renato o que estreou o luminoso nun golazo, apoiado na maxia do 10. O madrileño, especialista en balón parado, rubricou o 3-2 en dobre penalti no 36. Cría o Burela nas súas posibilidades, aínda que Movistar asestou o cuarto rapidamente con Fernando na defensa de Iago de cabeza que deixou a Kaluza moi adiantado. Reaccionou entón Pescados Rubén con xogo de cinco e soubo como forzar de novo un dobre penalti, materializado outra vez pola eficacia de Mata para o 4-3. Tiñan por diante os de Juanma Marrube aínda dous minutos, pero os interistas volveron reaccionar con Dani Saldise (5-3). O Pescados Rubén viviu un minuto final de alta voltaxe; nesta ocasión Matamoros bateu coa solidez de J. Herrero no penalti, aínda que se reafirmou nos seus sinais de identidade demostrando que se pelexa ata o último suspiro.
Ficha técnica
Movistar Inter FS: J. Herrero, Cecilio, Borja, Fernando, Pito, cinco inicial; tamén xogaron Pola, Eric Martel, Boyis, D. Saldise, Tripodi, Iacovino
Pescados Rubén Burela FS: M. Kaluza, Renato, Giasson, David Pazos, Quintela, cinco inicial; tamén xogaron Lucho, Javi Rodríguez, Álex Diz, Iago Míguez, Matamoros, Nito, Edu Goles: 1-0, minuto 10, Borja; 2-0, minuto 13, Fernando (d. p.); 3-0, minuto 13, Cecilio; 3-1, minuto 34, Renato; 3-2, minuto 36, Matamoros (d. p.); 4-2, minuto 36, Fernando; 4-3, minuto 38, Matamoros (d. p.), 5-3, minuto 39, Dani Saldise
Árbitros: González Moreta // Sánchez Chamorro. Por Movistar amarela a Cecilio (minuto 14), Eric Martel (minuto 21), Pito (minuto 34), Fernando (minuto 36). Por Burela amarela para Iago Míguez (minuto 5), M. Kaluza (minuto 13), Quintela (minuto 40).
Incidencias: Partido correspondente á xornada 20 de Primeira División Masculina disputado no Jorge Garbajosa. Minuto de silencio en memoria do exxogador de fútbol sala Álvaro Párraga.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
