Lugo, 4 de marzo de 2021. A Deputación de Lugo lanzará nas redes sociais unha campaña audiovisual de sensibilización e visibilización do papel da muller no mundo laboral con motivo do 8 de marzo, Día Internacional da Muller. Así o informa a Deputada de Muller e Igualdade, María Loureiro, que avanza que este ano a institución provincial centrará a súa programación nos medios dixitais e prolongará as actividades ao longo de todo o mes.
A campaña consistirá na difusión de pequenas reportaxes elaboradas polo Servizo de Audiovisuais onde se conta a historia e vivencias persoais de mulleres en primeira persoa que residen na provincia de Lugo e traballan en profesións diversas. Coñeceranse diferentes ópticas, diferentes roles e experiencias co obxectivo de dar a coñecer as situacións de desigualdade que se dan no día a día e, á vez, poñer en valor os numerosos logros diarios que consegue cada unha delas nas múltiples tarefas que asumen a maiores da súa profesión.
Loureiro incide en que “nestes momentos de pandemia non podíamos deternos e o noso obxectivo é chegar ao conxunto da sociedade buscando fórmulas e iniciativas que nos permitan reivindicar unha igualdade real entre homes e mulleres, vivimos un momento onde estamos sufrindo serias ameazas de retroceso en materia de igualdade que non podemos permitir”.
Centros de maiores
Nos Centros de Atención a Maiores da Deputación de Lugo desenvolverase un conxunto de actividades baixo o lema “Compañeiras de vida”, co obxectivo de poñer en valor o traballo feito polas mulleres ao longo da súa vida, tanto no ámbito dos coidados como na súa actividade profesional como pioneiras no seu campo.
En cada unha das cinco residencias provinciais – Trabada, Ribadeo, Pol, A Fonsagrada e Castroverde – farán unha exposición propia con fotografías onde se amosa un cambio de roles: mulleres que desenvolven tarefas asignadas socialmente aos homes e viceversa.
Logo, cada centro está traballando en actividades e accións concretas como relatorios, cine, conversas e debates adaptados á realidade de cada unha das residencias.
CAM Trabada
Exposición fotográfica Igualdade nas tarefas e profesións
Exposición As nosas historias de vida. Homenaxe ás mulleres usuarias da residencia con recompilación de fotografías achegadas polas familias (realizando traballos no campo, coidado de fillos, etc.)
CAM Ribadeo
Exposición fotográfica Igualdade nas tarefas e profesións
TESTEMUÑAS: Recoñecemento ao traballo realizado polas mulleres e o valor achegado
RECOPILATORIO: Mulleres na ciencia, investigadoras, inventoras, xestoras…
HISTORIA DE VIDA: Relato en primeira persoa dunha usuaria adianta ao seu tempo, solteira, emprendedora
CAM Pol
2 de marzo: Sesión fotográficas sobre a igualdade nas tarefas
4 de marzo: Sesión fotográfica sobre a igualdade nas profesións. Obradoiro de igualdade
6 de marzo: Mural colectivo que representa o papel das mulleres nos coidados
7 de marzo: Cinefórum coa proxección de No soy un hombre fácil
8 de marzo: Inauguración da exposición fotográfica Igualdade nas tarefas e profesións. Obradoiro Conversas entre mulleres.
CAM A Fonsagrada
24 de febreiro: Obradoiro Igualdade.
2 de marzo: Ensaios e gravación da canción As Rimas das Valentes.
8 de marzo: Inauguración da exposición fotográfica Igualdade nas tarefas e profesións. Representación e gravación dunha canción .
CAM Castroverde
1 de marzo: Obradoiro de igualdade e sesión fotográfica
3 de marzo: Sesión fotográfica sobre a igualdade nas profesións
8 de marzo: Inauguración da exposición fotográfica Igualdade nas tarefas e profesións. Obradoiro Falamos do noso
Pancarta e alumeado da fachada
Dende este venres e ata o 8 de marzo da fachada do Pazo de San Marcos pendurarán pancartas en cor violeta en reivindicación da igualdade de homes e mulleres co lema “Querémonos vivas, libres e iguais”. Así mesmo, durante ese mesmo período, alumearase pola noite desa mesma cor, como símbolo da aposta firme e decidida en defensa dos dereitos, liberdades e a seguridade das mulleres.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
