Foz, 26 de marzo de 2021. O PP de Foz, á vista das anomalías detectadas no cumprimento da normativa de accesibilidade en obras en execución, presentará na próxima sesión plenaria unha moción na que defenderá a elaboración dun plan municipal de accesibilidade.
O portavoz popular no Concello, Javier Castiñeira, denuncia que “a nova rampla que constrúe o Concello de Foz nas inmediacións da residencia da terceira idade non cumpre a orde VIV 561/2010 de accesibilidade para espazos públicos urbanizados”. Considera “que é un erro gravísimo, comprobado despois de examinar o proxecto que redactou un estudo externo de arquitectura, contratado polo goberno municipal”. O custo da obra é de 37.000 euros.
Castiñeira di: “É un proxecto que na súa memoria apenas fala de accesibilidade e da xustificación de todas estas normas. Concretamente podemos apreciar que a rampla ten un ancho mínimo de 1,60 e está prevista unha pendente do 8%, algo que vai en contra do que dita esta orde de obrigado cumprimento, a VIV 561/2010, na que se desenvolve o regulamento técnico de condicións básicas de accesibilidade e non discriminación para o acceso e utilización dos espazos públicos urbanizados”. Explica que “esta orde establece un ancho mínimo para itinerarios adaptados peonís de 1,80 metros e pendente menor ao 6%. Isto significa que esta rampla non cumpre a normativa publicada no BOE o 11 de marzo de 2010”.
O portavoz popular sinala: “Este incumprimento parécenos moi grave, porque inhabilita esta rampla e non entendemos que isto ocorra nunha obra de nova construción, da que o alcalde dicía que serviría para comunicar non só ao asilo, senón a un barrio enteiro. Non entendemos por que non se adapta á totalidade da normativa”.
Castiñeira anuncia: “Por esta circunstancias e outras anormalidades que estamos vendo en obras novas que se están a facer en diferentes beirarrúas, entendemos que o goberno debe deseñar un plan de accesibilidade. Levaremos ao pleno unha moción nese sentido. É necesario reformar de inmediato todas estas obras que se están a executar, como é a nova rampla, que non se adaptan a esta orde, a VIV 561/2010; non poden poñerse en servizo sen cumprir a totalidade da normativa de accesibilidade”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
