Ribadeo, 5 de marzo de 2021. Todos os usuarios e usuarias así como o persoal do Hospital Asilo de Ribadeo recibiron hoxe a segunda dose da vacina contra o covid 19. O alcalde ribadense, Fernando Suárez, asegura que “por este motivo estamos moi esperanzados no Concello”.
O rexedor dixo: “quero expresar a nosa satisfacción por ver como no Hospital Asilo hoxe xa se puxo a segunda dose da vacina, a primeira hai varias semanas que foi aplicada. Agora xa podemos dicir que as dúas residencias de Ribadeo, tanto a nova como o Hospital Asilo, o seu persoal e os usuarios e usuarias, todos coa excepción dunha persoa na nova residencia, fóiselles aplicada a vacina contra o covid19”.
Suárez Barcia subliñou que “é algo que nos ilusiona nesta nova etapa de recuperación e que tamén vemos como o resto da cidadanía, nos diferentes segmentos de idade, a están empezando a recibir e outros están ansiosos de que veñan máis vacinas para que todo o mundo a poida poñer, para que empecemos como sociedade a mellorar e a tirar para adiante. Esperemos que nos próximos días sigamos tendo boas noticias neste sentido”.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
