Vilalba, 22 de abril de 2021. O delegado territorial da Xunta en Lugo, Javier Arias, animou hoxe ás persoas lucenses que queiran facer obras de mellora no exterior das súas vivendas, tales como revestir fachadas de ladrillo ou adecentar muros de peche de fincas, a acollerse ás axudas que concede o Goberno galego co fin de corrixir o impacto paisaxístico que provocan determinadas edificacións.
No transcurso da visita a un domicilio de Vilalba cuxo propietario solicitou estes incentivos da Xunta, Arias explicou que as subvencións poden alcanzar o 70% do investimento ata un máximo de 3.000 euros. Son compatibles con outras achegas para a mesma finalidade, sempre que a suma total non supere o custo da actuación. O prazo de solicitudes está aberto ata o 31 de maio.
“A medida busca estimular aos particulares ou comunidades de propietarios para que fagan pequenas obras que contribuirán a harmonizar o entorno”, dixo Arias, quen precisou que as actuacións terán que adaptarse aos criterios que fixan a Guía de cores e materiais de Galicia e a Guía de boas prácticas de caracterización e integración paisaxística.
En concreto, poderá financiarse o tratamento de paredes medianeiras; o revestimento de fachadas de ladrillo ou formigón ou o cambio de cor do exterior de edificacións cuxas tonalidades actuais impactan de forma negativa na contorna. Tamén o remate de cubertas realizadas con pranchas de fibrocemento, mediante a instalación de tella cerámica ou lousa, en función do material tradicional da comarca.
Tamén se financia o acondicionamento de peches de predios de gran dimensión -cunha altura superior a 1,50 metros-, mediante a instalación de solucións diáfanas ou sebes vexetais; o revestimento de muros de cerramento de predios realizados con bloques de formigón con fábrica de pedra semellante á cachotaría tradicional; así como a substitución de celosías.
Arias salientou a importancia de que todas as administracións se impliquen neste cometido e instou aos concellos a colaborar na difusión deste programa de axudas entre os potenciais beneficiarios e a axilizar os trámites e xestións da súa competencia, como a concesión de autorizacións para facer as obras.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
