Burela, 23 de abril de 2021. ACIA Burela protesta pola falta de compromiso e implicación por parte do Concello co tecido empresarial do municipio dende o comezo da pandemia.
Nunha situación tan complexa para todos os sectores empresariais, dende a Asociación de Comerciantes, Industria e Autónomos manifestan o seu descontento co goberno local, xa que nun momento no que as axudas e apoio por parte das institucións é fundamental para que moitos negocios poidan saltar os obstáculos que as circunstancias sanitarias provocaron e consigan seguir abertos, en Burela non contan nin con esas axudas nin con ese apoio.
O tecido empresarial burelense está totalmente desprotexido, a administración municipal non deixou de poñerlles trabas, complicacións e pouca información en momentos chave como na convocatoria das axudas que lanzou a propia institución. Moitos empresarios e autónomos quedaron sen esta achega por falta de información e entendemento, un problema que se o Concello quixera se podía ter solucionado, xa que bastaba con informar correctamente e de xeito comprensible a todas as persoas que podían chegar a ser beneficiarias destas axudas. O procedemento non é nada fácil de entender, moi complicado, demasiado longo, e non está clara a data cobrar as axudas, porque aínda estase a solicitar documentación. Ademais, moitos empresarios e empresarias que non saben se teñen ou non as axudas concedidas. Non obstante, o goberno local decidiu mirar para outro lado e deixar ao tecido empresarial só ante o perigo, unha mostra máis da escasa implicación que ten o órgano burelense con esta parte da poboación.
O Concello non debe esquecer que as empresas e autónomos da vila son parte imprescindible, dado que moitos deles proporcionan postos de emprego para a veciñanza e fan de Burela unha localidade viva e con movemento. O goberno municipal debe proporcionarlle ao tecido empresarial as maiores facilidades posibles e intentar conseguir unha maior colaboración con eles.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
