Burela, 26 de abril de 2021. O Concello de Burela asinou hoxe de maneira simbólica o Protocolo polo bo trato á infancia. Fíxoo con diferentes entes e centros educativos, coincidindo con este 26 de abril, xornada na que se homenaxea o comportamento que as nenas e os nenos tiveron durante o confinamento domiciliario o ano pasado. Tal día coma hoxe puideron saír á rúa despois de pasar 42 confinados.
A concelleira de Servizos Sociais, Carmela López, explicou que “este protocolo é o resultado do traballo conxunto de diferentes servizos do municipio no ámbito social, educativo, sanitario e outros organismos que interveñen directamente coa infancia e a adolescencia desde os que se ten detectado a existencia de carencias familiares en canto ao bo trato a menores, que lles están a dificultar un desenvolvemento axeitado”.
A edil burelesa dixo que “con este acordo prestarase especial atención á prevención da violencia intrafamiliar e á súa detección precoz artellando xeitos sinxelos de notificación e intervención coa finalidade de que as nenas e nenos do concello vivan en entornos seguros e libres de todo tipo de violencia”.
López subliñou que “este protocolo ten como obxectivos sensibilizar ás familias e á poboación xeral da necesidade do bo trato aos nenos e ás nenas para favorecer o seu axeitado desenvolvemento persoal, social e comunitario; fomentar hábitos e estratexias de bo trato, coidado e atención ás necesidades propias e específicas dos nenos e nenas a nivel educativo, emocional, de saúde e de lecer e tempo libre, entre outros. O protocolo asinado polo Concello burelés tamén tenta crear unha rede de profesionais implicados e coordinados para a sensibilización e o fomento do bo trato aos nenos e nenas dentro das familias. Ademais persegue detectar, notificar e intervir de forma axeitada en casos de sospeita de tratos inapropiados aos menores”.
A concelleira de Servizos Sociais engadiu que “desde os servizos e institucións do Concello de Burela, implicados na implantación deste protocolo, procederemos á difusión de carteis e dípticos informativos e de sensibilización cara ao bo trato da infancia. Tamén organizaremos charlas telemáticas e presenciais na medida que sexa posible sobre disciplina positiva dirixidas á poboación xeral, e celebrarase o Día Internacional da Non Violencia o 2 de outubro”.
O grupo de traballo estará integrado polos Servizos sociais municipais a través dos departamentos de Traballo Social, Educación Familiar, Integración de Inmigrantes, CIM, UAT e Traballo Social UAD. Ademais tamén está o Centro de Saúde con Traballo Social, Pediatría e Unidade de Saúde Mental. Por outra banda están implicados os seguintes centros educativos: Escola Infantil de Burela, Escola Infantil Os Castros, CEIP Virxe do Carme, CEIP Vista Alegre, IES Perdouro e IES Monte Castelo. Tamén participan neste protocolo: Hospital da Mariña, Cruz Vermella, Centro de Día San Aníbal, Cáritas e Policía Local.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
