Ribadeo, 8 de abril de 2021. O alcalde de Ribadeo, Fernando Suárez, agarda que coas obras realizadas na praza de abastos os praceiros e praceiras recuperen clientela, consigan máis clientes e que fidelicen e presten o mellor servizo posible a todo o seu público. O rexedor lembra que o investimento ascendeu a máis de 59.000 euros, dos que o 49% foi aportado pola Unión Europea, o 34% polo Concello, o 11´50% pola Xunta e o 4´93% polo Ministerio de Agricultura.
O alcalde ribadense destaca “a achega de varias administracións públicas para sufragar estas actuacións que se fixeron hai un tempo para mellorar a nosa praza de abastos. Primeiramente, a Unión Europea que aportou practicamente a metade do orzamento, un 49%, uns 29.000 euros; seguida do Concello de Ribadeo que aportamos un 34%, é dicir, uns 20.000 euros; tamén a Xunta de Galicia, aínda que co 11´50%, que ben sendo uns 6.800 euros, non é para tirar foguetes, pero tamén se agradece; e finalmente, o Ministerio de Agricultura que puxo un escasiño 4´93%, uns 2.900 euros”.
Suárez Barcia sinala que “entre todos puidemos investir os 59.141 euros para a renovación do saneamento da praza, dos baños, a instalación eléctrica, traballos de pintura e o que poida ser máis visible quizais sexa o novo pavimento que lle deu moita máis luminosidade e claridade tamén coa axuda dunhas novas luminarias leds que puxemos”.
O rexedor declara que “con estas novas obras quixemos poñer en valor de novo a praza de abastos e que siga sendo un punto de encontro, un punto neurálxico da vila, e oxalá isto sirva para permitir que as praceiras e os praceiros recuperen clientela, consigan máis clientela e, sobre todo, fidelicen e presten un mellor servizo a todo o seu público”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
