A Fonsagrada, 5 de abril de 2021. O voceiro do PP de A Fonsagrada, José Regueiro, critica “a mala xestión do goberno local en materia medioambiental” e pídelle ao alcalde que emprenda as xestións oportunas para corrixir a inseguridade que xera o funcionamento da nova depuradora de augas residuais que leva dous anos vertendo a fincas particulares que rexistran constantes malos olores e aparición de residuos.
O popular cre que “isto indica que a depuradora non procesa a auga correctamente, o que supón un perigo para o medio ambiente e para a saúde das persoas; xa que estas aguas desembocan en ríos dos que, probablemente, se serven varios núcleos de poboación para consumo e outros usos”. Así mesmo, “a falta do correcto tratamento desas augas pode causar contaminación fluvial e a conseguinte mortaldade dos peixes e o conxunto da fauna fluvial”.
“Antes da posta en funcionamento da depuradora, a auga que discorría polas fincas particulares era completamente limpa” porque se correspondía coas augas pluviais recollidas das marxes da estrada LU-721 ao lado da que se construíu esta nova dotación que agora verte augas que deberían ser limpas á mesma gabia onde se recolle a auga da chuvia”, segundo explica o popular.
Infraestruturas viarias en perigo
Regueiro esíxelle ao goberno local o correcto tratamento das augas residuais para evitar riscos medioambientais e para a saúde das persoas e tamén que, unha vez sexan vertidas, se recollan de forma que se evite o deterioro de infraestruturas viarias; porque “o aumento da cantidade de auga que discorre agora pola gabia pode supoñer un perigo para a súa conservación. É o caso da estrada autonómica que pode ver en perigo a súa estrutura ao filtrarse a auga entre as pedras e o terreo pola marxe da calzada”, segundo advirte Regueiro. Igualmente, o aumento do caudal fai anegar unha ruta de sendeirismo sinalizada e, nas épocas de fortes chuvias, tamén provoca o asolagamento da estrada que une Fornos da Cal con Aula Verde.
O voceiro popular sinala que “malia non haber ningún núcleo de poboación próximo, o Concello conta cun colector do lixo nas inmediacións da depuradora e ao lado dunha arqueta polo que todo parece indicar que se depositan nel os residuos que se retiran da arqueta”. Polo tanto, “o goberno local é coñecedor do deficitario funcionamento da depuradora e, polo tanto, do risco medioambiental e sanitario”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
