Ribadeo, 24 de abril de 2021. Os voceiros dos Grupo Provincial e Municipal Popular, Javier Castiñeira e Daniel Vega, reivindicaron esta mañá a mellora de distintas estradas de titularidade provincial no termo municipal de Ribadeo onde puideron comprobar in situ “o seu deficitario estado”.
Castiñeira sinala que “as vías provinciais de Ribadeo atópanse nun lamentable estado debido ao abandono por parte do goberno provincial e, concretamente, do presidente e delegado de Vías e Obras, José Tomé”. Esta non é situación excepcional, segundo aclara o popular que sinala que “o deterioro é xeneralizado no conxunto da rede viaria da Deputación na nosa provincia como temos comprobado nas últimas semanas nas que nos achegamos a coñecer de preto a súa situación en diversos concellos tralas numerosas queixas de veciños e incluso alcaldes”.
O popular critica “a falta de sensibilidade cos veciños da nosa provincia que sofren a diario o mal estado destas estradaspor parte de Tomé e do seu goberno tal e como o demostraron votando en contra do plan plurianual de investimentos para a mellora das estradas presentado polo Grupo Provincial Popular no último pleno co obxectivo de dotar aos concellos dunhas vías acordes ao século XXI e que garantan a seguridade viaria”.
“Abandono absoluto dende o pasado mandato”
Daniel Vega explica, pola súa banda, que “as estradas da Deputación no concello de Ribadeo sofren un abandono absoluto dende o pasado mandato”. Así, sinala como unhas das máis prexudicadas a estrada LU-P-5201 que ante o seu mal acondicionamento supón problemas de asolagamento en épocas de choiva nunha vivenda da Rochela; a LU-P-5204 que pasa por Arante; a LU-P-5205 ao seu paso pola parroquia de Santalla de Vilaousende; ou a LU-P-5206 na Devesa. “En xaneiro do 2020 xa denunciamos o indignante estado destas estradas provinciais no noso municipio facéndonos eco das queixas dos veciños”, recorda o voceiro popular.
Vega explica tamén a necesidade de actuar na estrada LU-P-5207 que comunica con Vilela e que no seu treito inicial discorre polo casco urbano atravesando zonas residenciais, escolares e deportivas”. Os populares xa solicitaran en outubro do 2019 mediante unha moción no Concello “acometer no menor tempo posible os traballos de mellora, pois esta vía sae do núcleo urbano por unha ponte sobre a liña de Feve, na zona do Cobo, que é moi estreita, sen beirarrúas e con graves problemas de seguridade para os peóns. En marzo do 2020 o presidente da Deputación prometía iniciar a redacción do proxecto para acometer obras e dotar de seguridade á zona da ponte, pero a día de hoxe non sabemos nada”, segundo indica o voceiro do Grupo Municipal.
Daniel Vega reivindica, polo tanto, orzamento por parte da Deputación para Ribadeo e “debe comezar por conservar as vías da súa titularidade que son un dos eixos principais de comunicación entre as parroquias de Ribadeo”.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
