Ribadeo, 21 de maio de 2021. Ribadeo acollerá mañá, sábado, o 3º Torneo Inter Escolas de Ximnasia Rítmica na súa fase norte. No campionato daranse cita unhas 120 ximnastas de 6 clubs da provincia de Lugo e da Coruña. O evento, organizado polo Club Marusia coa colaboración do Club Porta Norte de Ribadeo, dará comezo ás nove e media da mañá e terá lugar no pavillón municipal.
A responsable do Club Porta Norte, Nelly Bouso, explicou que “é unha parte do torneo Inter Escolas, que se realiza entre todos os clubs de Lugo. Compiten as nenas do nivel máis baixo de competición das escolas, as nenas que se inician neste deporte. O que celebramos nesta ocasión é a fase norte, compiten as ximnastas da provincia de Lugo e da Coruña. Aproximadamente van participar unhas 120 ximnastas. Están divididas en tres quendas de competición para non superar os aforos e cumprir así o protocolo covid. En cada quenda aproximadamente compiten unhas 40 ximnastas. Na primeira competirán as que participan na modalidade individual e nas dúas seguintes as ximnastas dos conxuntos.
En total somos seis clubs da provincia da Coruña e Lugo, que somos os super vivintes que quedamos despois da pandemia”.
Nelly Bouso contou que “a primeira quenda de competición comezará ás nove e media da mañá, empezarán a chegar as ximnastas a partir das nove menos cuarto. Hai acceso de público, pero restrinxido. Soamente poden entrar aqueles familiares directos das ximnastas que se rexistraron con anterioridade, que nos facilitaron os seus nomes e DNI, e que están apuntados para poder asistir. Son un máximo de dúas persoas por ximnasta. A segunda quenda empezará sobre as doce da mañá e a última sobre as dúas da tarde. Contamos que todo estea rematado sobre as tres”.
O concelleiro de Deportes, Jorge Díaz, subliñou que “para Ribadeo supón unha oferta máis este fin de semana, cun evento dun deporte minoritario como a ximnasia rítmica. Destacar que é de carácter autonómico. Queremos darlle as grazas ao Club Porta Norte e a súa directora, Nelly Bouso, por apostar de novo para traer para Ribadeo este campionato. Hai que facer fincapé en que vai dar un impulso á hostalería, dentro das diferentes variantes que ten ese sector. É unha pinga máis de axuda a través das competicións deportivas para poder paseniñamente recuperar o antes posible, sen deixar de lado este protocolo sanitario impecable que se vai levar a cabo nesta competición. Desde o Concello queremos dicir que é outra aposta máis pola calidade deportiva, para este tipo de eventos que conxugan unha labor moi importante no tecido económico do concello de Ribadeo”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
