Lugo, 11 de maio de 2021. O Descenso do Miño celebrará a 64 edición o vindeiro 16 de maio. A proba, decana do piraguismo en Galiza e a segunda con maior traxectoria no Estado, volve disputarse despois do parón obrigado pola situación sanitaria, coa colaboración da área de Deportes da Vicepresidencia da Deputación de Lugo.
O Pazo de San Marcos acolleu esta mañá a presentación do evento, na que participaron Ángela Prado, presidenta do Cidade de Lugo, e Alfredo Bea, presidente da Federación Galega de Piragüismo, organizadores da proba, e o deputado de Deportes, Efrén Castro, ademais do xefe de Deportes da Xunta de Galiza en Lugo, Manuel Otero, e dos concelleiros de Lugo, Mauricio Repetto; Outeiro de Rei, Alejandro Martínez; e Rábade, Pilar Méndez.
Máis de 200 deportistas participarán na proba que comezará ás 16:00 horas e que decorrerá entre a ponte medieval de Rábade e a ponte romana de Lugo, uns 18 quilòmetros polo leito do río Miño. Na lista de piraguistas e canoístas participantes destacan nomes como o da monfortina Tania Fernández, subcampioa do mundo de K-2, Manuel Garrido, campión do mundo en C-1, Jenifer Casal, bronce en C-1 no Campionato de Europa de 2017 ou Jesús Rodríguez Léon, quince veces gañador da proba. En total, tomarán parte na proba deportistas de júnior e senior de 32 equipos de Galiza e de Asturias.
A presidenta do Cidade de Lugo explicou que o club apostou por potenciar a presenza de nomes destacados do piragúismo español e mundial “que doten dun maior atractivo á proba”. “A presenza de figuras con medallas mundiais, europeas, que son referentes a nivel global deste deporte, servirá para darlle aínda máis impulso ao regreso dunha
proba que queremos que siga consolidándose como unha das citas ineludibles do calendario”, remarcou Ángela Prado.
Apoio ao piragüismo
Efrén Castro agradeceu “a iniciativa e o interese de Cidade de Lugo e da Federación Galega de Piraguismo por darlle continuidade a unha competición que acredita a enorme tradición deste deporte na cidade de Lugo” e destacou o “bo momento que vive o piragüismo, en resultados, con representantes lucenses nos podios de competicións estatais, e tamén en participación”.
O deputado de Deportes puxo en valor a “aposta firme e decidida que se fai desde a Vicepresidencia da Deputación por este deporte con distintas liñas de acción, enfocadas, sobre todo, á promoción da base”. Neste senso, lembrou que ademais de apoiar a continuidade de probas históricas como o Descenso do Miño ou a Travesía de Foz, “se apoia un programa de formación técnica e física dos piraguistas da provincia a través dun convenio da Federación Galega de Piragüismo e se promove a organización da Copa Deputación de Lugo, na que se iniciaron na competición moitas das promesas do piragúismo lucense”
Ademais, os sete clubs da provincia – Cidade de Lugo, Fluvial de Lugo, Club Deportivo San Ciprián, Club Piraguismo Viveiro, Kayak de Foz, Altrúan de Ribadeo e Quixós de Monforte – reciben axudas específicas para o desenvolvemento da actividade competitiva ou para a organización de eventos. Por outra banda, en 2020, 26 piragüistas beneficiáronse das bolsas para deportistas individuais.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
