Santiago de Compostela, 5 de maio de 2021. A Xunta está a manter contactos co Instituto Social da Mariña (ISM) co obxectivo de intercambiar datos e organizar a loxística necesaria para iniciar o antes posible a vacinación contra a covid-19 das tripulacións da frota galega. As conversas entre a Consellería de Sanidade e o ente dependente do Ministerio de Seguridade Social, Inclusión e Migracións prodúcense despois de que o Ministerio de Sanidade autorizase o inicio do protocolo necesario para inmunizar aos profesionais do mar.
Galicia confía en que nos vindeiros días se poida deseñar o procedemento a seguir e que comece o antes posible a administración das doses. Trátase dun asunto no que o Executivo galego levaba solicitando desde febreiro que se actuase con celeridade e no que sempre actuou coa máxima lealdade institucional respectando os protocolos que se aprobaban nos Consellos Interterritoriais do Sistema Nacional de Saúde -nos que participan o Goberno central e as comunidades autónomas-.
A autorización do Ministerio de Sanidade supón o inicio do protocolo para optimizar a vacinación dos mariñeiros da frota galega, no que a Xunta precisa acceder aos datos dos que dispón o ISM, como o censo de todos os profesionais do mar, para que o proceso se realice do xeito máis áxil e eficiente posible.
O Executivo galego entende que o proceso de vacinación dos mariñeiros debe comezar polas frotas de altura e gran altura e continuar pola baixura tendo en conta as especiais características do sector. En moitos casos son barcos que realizan mareas de máis de 10 días e non contan coa posibilidade de atención sanitaria inmediata ao tempo que se enfrontan ás dificultades para manter as distancias de seguridade. Ademais, algunhas das súas campañas son estacionais polo que o posible confinamento das tripulacións pon en risco a rendibilidade das embarcacións.
Precisamente, as estancias longas en alta mar limitan tamén a dispoñibilidade dos mariñeiros para acudir á subministración da vacina, polo que Galicia defendeu desde o primeiro momento a posibilidade de destinar o soro dunha única dose a este colectivo, unha cuestión que se concretará finalmente durante o deseño da estratexia de vacinación do sector.
O Executivo galego lamenta que o Ministerio de Sanidade tardase en comprender as peculiaridades do traballo do mar e lembra que o sector foi declarado esencial durante a pandemia e, malia non ter máscaras de protección nin poder manter as distancias de seguridade a bordo, saíu todos os días a faenar para que non faltase alimento de calidade nos mercados.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
