Ribadeo, 4 de maio de 2021. O Concello iniciou as obras de reparación do pavimento da Praza da Música, na mazá interna da urbanización que está detrás da Oficina de Turismo. O custe dos traballos ascenderá a 33.000 euros que serán satisfeitos con fondos municipais. O alcalde, Fernando Suárez, declarou que o Concello dará así cumprimento a unha sentenza “asumindo os efectos e consecuencias de planificacións urbanísticas cuestionables que se remontan vinte anos atrás”.
O rexedor contou que “se iniciaron as obras de reparación do pavimento da Praza da Música, na mazá interior da urbanización que está detrás da Oficina de Turismo. Estas obras veñen dadas por unha sentenza que o xulgado fallou indicando que era o Concello quen debera asumilas por ser a parte superior de acceso e de uso público mentres que a parte inferior está destinada a aparcadoiros dos propios edificios”.
Suárez Barcia explicou que “as obras necesarias foron propostas pola comunidade de propietarios do edificio, sobre un proxecto técnico que as valoraba nuns 17.000 euros, e finalmente estas obras teñen un custo duns 33.000 euros que serán satisfeitos con fondos municipais”.
O alcalde ribadense dixo que “desde o Concello non cuestionamos as sentenzas, senón que fixemos todo o que estivo na nosa man para cumprilas, escollendo a empresa que aos técnicos lles pareceu máis cualificada para a execución dos traballos e encetar as obras agora na primavera, cando a meteoroloxía é máis benigna”.
Fernando Suárez indicou que “aínda que, como non pode ser doutro xeito, tamén queremos valorar esta situación creada, e é que o goberno actual ten que asumir os efectos e consecuencias de planificacións urbanísticas cuestionables, que se remontan a máis de vinte anos atrás, e que corresponden ás decisións de gobernos que autorizaron os cambios de volumetría e distribución dos espazos públicos e privados “dunha disposición orixinal clara de espazos públicos no solo e no subsolo, con miradoiros sobre a ría de Ribadeo abertos, pasouse a aceptar unha disposición de ter unha praza pública interior, cun subsolo privado), de tal xeito que agora, máis de vinte anos despois, o Concello ten que soportar unha carga por algo que nunca debera ter sido así”.
E engadiu que “con todo, non se cuestiona e traballaremos para que non se volvan producir desperfectos que afecten a este subsolo. Isto tamén contempla a prohibición absoluta de acceso a esa praza pública tanto de vehículos como de outras circunstancias que poidan deteriorar o pavimento xa que non queremos que se volva culpabilizar ao Concello de ningún problema máis”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
