Burela, 2 de maio, 2021. O trono da Copa de S.M. A Raíña segue sendo laranxa. O Pescados Rubén Burela FS revalidado o seu dominio absoluto na cita impoñéndose na final a Melilla Sport Capital Torreblanca (1-3). A experiencia das Guerreiras impúxose fronte ao equipo revelación da tempada para sumar a terceira Copa consecutiva e a cuarta da Historia Laranxa. A capitá, Peque, recibiu o trofeo de mans do vicepresidente da RFEF, Pablo Lozano.
Soubo Pescados Rubén Burela FS como imprimir o seu xogo con dominio, posesión e ocasións. Peque foi a que máis buscou a rede de Sara Soares nos primeiros compases, pero foi un gol que tocou na defensa melillense o que lles deu a vantaxe ás da Mariña, no minuto 8; o gran pase en profundidade de Jane a Leti Cortés deu en Fabi para os intereses das galegas. Dispuxeron acto seguido as de Lucas de moito perigo, con Jane e Leti fronte a Sara como a gran salvadora. Marcio Santos tentou cambiar a dinámica pedindo máis risco ao seu equipo e mesmo probando nunha aposta breve por xogo de cinco, ante a gran resposta e repregamentos das laranxas freando calquera indicio en ataque. Dany, a falta de 54 segundos para o descanso, subiu o 0-2 recibindo de Cami e virándose para sentenciar dun golazo en disparo cruzado que entrou por baixo das pernas da meta melillense. Cami a punto estivo de ampliar co terceiro nos últimos segundos antes da bucina.
Regresou moi o conxunto de Lucas con dobre tentativa de Cami fronte a Sara; a meta melillense freou tamén a Luísa Mayara, pero nada puido facer fronte á letal Dany, que aproveitou a falta de entendemento rival en saque de banda para subir o 0-3. Apostou por xogo de cinco o equipo de Marcio Santos e atopou recompensa acto seguido, en menos dun minuto, cun pase de Lydia a Bia, que tocou en Ale de Paz con traxectoria cara á portería. O Torreblanca encomendouse á porteira xogadora para ir a pola remontada fronte á solidez defensiva das galegas que se armaron de paciencia e concentración para anular as intencións das melillenses, cunha Jozi perfecta e imperturbable.
Ficha técnica
Melilla Sport Capital Torreblanca FS: Sara, Lydia, Fernanda, Bia, Emilly, cinco inicial; tamén xogaron Julia, Jacke, Fabi, Thais
Pescados Rubén Burela FS: Jozi Oliveira, Dany, Peque, Cami, Luísa Mayara, cinco inicial; tamén xogaron Ale de Paz, Jane, M. Cortés, Bea Mateos
Goles: 0-1, minuto 8, Leti (Fabi, p.p.); 0-2, minuto 20, Dany; 0-3, minuto 23, Dany; 1-3, minuto 24, Ale de Paz (p.p.)
Árbitros: Sara Gutiérrez // Leticia Romero // Lydia Guillem. Por Melilla para Fernanda (minuto 10)
Incidencias: Partido de final de Copa de S.M. A Raíña disputado na a Cidade do Fútbol de Las Rozas, con emisión en directo de Teledeporte. Xunto ao presidente do Pescados Rubén Burela FS, Manuel Blanco, tamén apoiaron ás Guerreiras desde o palco de autoridades o vicepresidente da Real Federación Galega de Fútbol, Pablo Prieto, e o concelleiro de Deportes de Burela, Ramiro Fernández.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
