Viveiro, 12 de maio de 2021. O Concello de Viveiro anuncia que o municipio será a sede da I Regata de Puertos Deportivos, entre Marina Coruña e Marina Viveiro, que terá lugar entre os días 17 e 24 de xullo deste ano. A iniciativa está organizada pola Concellería de Turismo de Viveiro, tras manter diversas reunións e xestións con Marina Coruña e Marina Viveiro.
Ambas Marinas están actualmente dirixidas por Roberto Bermúdez de Castro (Chuny), o regatista galego e icona na vela internacional tras gañar a volta ao mundo en 2015. O obxectivo das Marinas é potenciar o deporte náutico e poñer en valor o enorme potencial das augas galegas para este tipo de actividade.
No caso da contorna de Viveiro, os acantilados da serra da Capelada, os segundos máis altos de Europa, ofrecen unha paisaxe inédita para navegar.
Esta I Regata de Portos Deportivos será ademáis de ambiente familiar, promovendo entre os participantes e toda a sociedade galega a cidade de A Coruña e Viveiro.
Aínda que están pendentes de concretar os detalles, a Regata percorrerá 50 millas de navegación coa flota do tipo IMS galega. Un circuito de ida e volta entre os portos da Marina Coruñesa e Marina Viveiro, coa ida programada para o 17 de xullo e a volta para o 24 do mesmo mes.
Os participantes pasarán en Viveiro unha semana, durante a que terán a oportunidade de gozar dos recursos turísticos do municipio e das actividades que se desenvolverán con motivo do evento.
Dende o Concello de Viveiro recálcase que o municipio conta coas condicións e instalacións para o evento, polo que é unha oportunidade para que a vela galega coñeza o seu máximo esplendor. Ademais, o evento constitúe unha ocasión para fomentar o deporte náutico e o desenvolvemento das relacións sociais baseadas no deporte e o traballo en equipo.
O goberno local recalca ademáis que este tipo de eventos deportivos permiten mostrar a costa e a cultura locais, moi vinculadas ao mar.
Para o Concello de Viveiro é unha oportunidade de dar a coñecer ao visitante as múltiples opcións que o municipio ofrece, divulgando os seus recursos entre un tipo de turismo moi concreto, o vinculado ao mundo do mar, cada vez máis en auxe.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
