Ribadeo, 12 de maio de 2021. O venres, 14 de maio, ás 17 horas no salón de plenos do Concello de Ribadeo (Lugo) terá lugar o xornada pública de arranque da Estratexia Alimentaria Participativa Eo Alimenta.
Os territorios de Ribadeo, Trabada, Barreiros, A Pontenova xunto aos asturianos de Santirso de Abres, Vegadeo, Castropol, Taramundi e Tapia de Casariego súmanse para pensar entre todas e todos como se pode acadar unha alimentación máis san, xusta e sostible. Esta pioneira estratexia participativa é un proceso aberto co que, a través de diferentes encontros públicos, irase creando de xeito colectivo un plan coas accións correspondentes que axuden a conseguir un sistema alimentario máis sostible neste territorio galaico-astur.
Esta pioneira estratexia é un compromiso pola transición ambiental e o camiño de cara a consecución dos Obxectivos do Desenvolvemento Sostible 2030 que determina a ONU. A través desta estratexia preténdese impulsar un modelo de produción e distribución alimentario máis sostible, máis local e polo tanto cunha menor pegada ecolóxica, para iso é necesario a participación de produtores, distribuidores, técnicos das administracións públicas, asociacións locais, ou investigadores universitarios.
A Estratexia Alimentaria Participativa do Eo é impulsada pola Universidade de Santiago de Compostela, e conta na rede de socios co Concello de Ribadeo, o Sindicato Labrego Galego, a Fundación Edes-Finca el Cabillón, O GDR Oscos Eo, o GDR Terras de Miranda e dispón ademais, do financiamento da prestixiosa entidade franco española Fundación Daniel e Nina Carasso. A web www.eoalimenta.org irá recollendo todos os pasos que se vaian dando nesta pioneira estratexia alimentaria.
Eo Alimenta seguirá a metodoloxía da Investigación-Acción-Participativa para acadar a maior participación posible de todos os axentes interesados nunha alimentación máis sostible. Nesa primeira sesión pública contarase ademais coa presenza dos profesores universitarios Lourenzo Fernández Prieto e Emilio Carral, ambos expertos da produción alimentaria. Ademais abrirase un espazo de reflexión co que pensar entre todos as principais problemáticas do sector alimentario local.
Ao longo deste ano desenvolveranse máis sesións abertas co obxectivo de acadar un Plan Alimentario consensuado a principios de 2022. Así haberá sesións de traballo grupal que se combinarán con sesións abertas coas que se irán abordando cuestións como a relación entre o xénero e a alimentación ou a necesidade de impulsar circuítos de comercialización curtos. Eo Alimenta súmase así a outros procesos impulsados en territorios como Valencia ou Valladolid, sendo a primeira vez que se fai un proceso participativo para a creación dunha estratexia alimentaria en Galicia.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
