Ribadeo, 16 de xuño de 2021. A exposición O galeón de Ribadeo. Unha vista ao século XVI foi inaugurada na tarde de onte na oficina de turismo de Ribadeo. Alí poderase visitar ata o vindeiro 4 de xullo.
A concelleira de Cultura, Pilar Otero, contou que “na tarde de onte, 15 de xuño, na oficina de turismo do Concello de Ribadeo, tivo lugar a inauguración da exposición O galeón de Ribadeo. Unha vista ao século XVI. Trátase dunha mostra das fotografías tomadas no curso da investigación que se leva a cabo na ría de Ribadeo desde hai varios anos. Intervimos na presentación: o alcalde de Ribadeo, Fernando Suárez; eu mesma como concelleira de Cultura; e o arqueólogo investigador Miguel San Claudio, quen lidera a investigación do pecio coñecido como Santiago de Galiza”.
A edil explicou que “San Claudio recordou que este é un dos grandes xacementos localizados ata o momento da súa época e que está a achegar unha importante información arqueolóxica, relevante pola súa exclusividade. O estudo do galeón de Ribadeo é unha actividade científica na que están implicadas diversas administracións, entidades científicas e equipos de investigación de diferentes institucións e países, que inclúe, entre outros aspectos, unha sistemática documentación de todo o labor de estudo que se está a desenvolver”.
Otero Cabarcos dixo que “aproveitando que a fotografía é un dos principais recursos dos investigadores e investigadoras, fíxose unha coidada selección das imaxes obtidas para ofrecer unha visión xeral do estudo do Galeón afundido fronte a Ribadeo. As imaxes amosan tanto o proceso de estudo e investigación como as pezas e mesmo obxectos cotiáns da vida a bordo que se recuperaron, etiquetaron e inventariaron, o que ofrece unha visión única sobre a vida a bordo dun galeón español do século XVI e, sobre todo, sobre o traballo de investigación que se ven levando a cabo na ría de Ribadeo”.
A responsable de Cultura no Concello de Ribadeo engadiu que “a exposición estará aberta ata o día 4 de xullo nos horarios de apertura da oficina de turismo, todos os días de dez a dúas e de catro a sete. Está previsto que, ao rematar, as fotografías poidan verse nas instalacións do Club Náutico de Ribadeo”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
