Burela, 30 de xuño de 2021. O alcalde, Alfredo Llano, e o presidente de Acia Burela, Ignacio Andía, fixeron unha valoración positiva do encontro que ambas partes mantiveron nas últimas horas. E aseguraron que Concello e Asociación colaborarán na realización de actividades para promocionar e reactivar a vila, o seu comercio e a súa hostalería.
O rexedor declarou que “foi un encontro agradable. Demos un repaso a como está a situación en Burela e no conxunto de toda A Mariña. A nosa intención é única e clara, imos traballar conxuntamente naquelas cuestións que nos parecen moi importantes para Burela, en todos os aspectos tanto no económico como no social e no cultural. A disposición do Concello de Burela é completa, imos colaborar en todo aquilo que poidamos, dentro das nosas posibilidades, e eles tamén van estar motivados para facer unha boa labor e penso que iso no seu conxunto vai dar como resultado finalmente a promoción de Burela, do seu comercio e todo aquilo que sexa positivo tanto no económico como no social para o noso pobo”.
Alfredo Llano subliñou que “a primeira impresión foi moi agradable e interesante, e desde logo hai o compromiso firme polas dúas partes de tratar para mellorar todas as circunstancias que poidamos con respecto á actividade económica e laboral. Imos iniciar unha nova etapa, espero que sexa frutífera tanto para a Acia como para o comercio e o Concello de Burela no seu conxunto e que todos saian beneficiados”.
O alcalde comentou que “quedamos en marcar obxectivos concretos e firmes, e ir a por eles. Imos ver tamén os métodos de colaboración. Comprometémonos xa a colaborar economicamente, pero tamén o imos facer institucionalmente. Imos ter reunións periódicas, que xa as marcaremos cunha cadencia determinada para ir analizando temas e miraremos tamén as campañas. Imos estar enfocados en que exista unha boa colaboración e que se note”.
O presidente de Acia Burela, Ignacio Andía, dixo que “foi unha xuntanza inicial, que se debe ter co Concello para presentarnos como nova directiva, para escoitar e que nos escoitasen as propostas. E a verdade é que foi todo moi correcto, moi cordial e unha comunicación fácil”.
Andía indicou que “a nosa preocupación primeira era coñecernos e establecer unha canle de comunicación, e iso está feito. Despois facerlles partícipes da situación que nos toca como asociación de comercio, con ano e medio sen actividade practicamente de ningún tipo. Temos que volver a poñernos en marcha e non queremos deixar de facer o que xa se viña facendo. Fixemos unha demanda normal de maiores achegas por parte do Concello para facer máis cousas. Houbo boa sintonía no sentido de que están dispostos a facer o esforzo”.
O presidente da Asociación de Comerciantes de Burela engadiu: “fundamentalmente queremos colaborar con eles e coas asociacións da vila que fagan actividades que sirvan para promocionar a Burela sempre. A valoración do encontro de onte é positiva e temos que xerar confianza entre todos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
