Santiago de Compostela, 24 xuño de 2021. O Consello da Xunta autorizou esta mañá o convenio de colaboración entre a Consellería de Medio Ambiente, Territorio e Vivenda e o Concello de Mondoñedo para a creación do centro de rexeneración urbana do municipio, co que por primeira vez en Galicia se completará unha Área Rexurbe con todos os elementos que a compoñen.
As áreas Rexurbe foron creadas ao abeiro da Lei de rehabilitación e de rexeneración e renovación urbanas de Galicia de 2019, co obxectivo de facilitar a recuperación dos conxuntos históricos declarados bens de interese cultural (BIC).
A de Mondoñedo foi a primeira declarada na Comunidade —febreiro de 2020— e o seu ámbito comprende o conxunto histórico do municipio e unha zona contigua, de características similares, que alcanza en total unha superficie de 0,45 km2, en que se localizan 704 edificios e 915 vivendas.
Agora, coa creación do Centro Rexurbe –o primeiro en Galicia-, avanza o paso definitivo para a posta en marcha de iniciativas, proxectos e programas a nivel arquitectónico, dirixidos a fomentar as políticas de rehabilitación e a mellora do espazo público, con outras medidas desde o punto de vista económico, demográfico e social.
Este centro, que dependerá do Concello, será o punto de información, asesoramento, xestión, seguimento e difusión da Área Rexurbe de Mondoñedo, co obxectivo de impulsar as actuacións de recuperación, rexeneración e dinamización do ámbito. Segundo o plan de dinamización da Área, aprobado en febreiro deste ano, as actuacións previstas para o período 2020-2024 requirirán dun investimento de aproximadamente 16,9 millóns de euros.
En virtude do convenio autorizado hoxe, a Xunta dispón unha contía de case 140.000 euros para impulsar o funcionamento deste centro, que deberá contar con medios e materiais humanos para atender os obxectivos do programa.
Cómpre lembrar que actualmente en Galicia existen tres áreas Rexurbe, todas elas declaradas en 2020: Mondoñedo, A Coruña e Ribadavia. Así mesmo, o Concello de Tui tamén remitiu a súa solicitude oficial de declaración dunha Área Rexurbe ao IGVS, organismo que está a revisar a solicitude; e o Concello de Ferrol tamén manifestou a súa vontade de contar con outra que abranguera o ámbito de Ferrol Vello.
Por outra banda, cabe salientar que Mondoñedo é un concello exemplar e comprometido coa rehabilitación, pois, ademais de contar cunha Área Rexurbe, participa dos fondos e das axudas que se promoven ao abeiro das áreas de rehabilitación integral e tamén do Programa Rexurbe, polo que se adquiren inmobles para a súa recuperación e destinados ao alugamento social.
Saúdos do Gabinete de Comunicación da Consellería de Medio Ambiente, Territorio e Vivenda e da Consellería de Sanidade
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
