Viveiro, 1 de xuño de 2021. O Concello de Viveiro informa aos seus veciños de que a partir de hoxe poden solicitar os Bonos Impulso da Deputación de Lugo. Esta iniciativa pretende reactivar o comercio e a hostalería locais, outorgando á cidadanía descontos de 30 euros en compras a partir dos 60 euros.
A institución provincial repartirá 17.000 descontos nominativos entre os 67 municipios da provincia e que poden solicitarse dende hoxe ata o vindeiro 21 de xuño. Todos os veciños e veciñas empadroados en Viveiro, ou noutros municipios da provincia, maiores de 18 anos poden inscribirse na web: http://deputacionlugo.gal/temas/emprego/bonoimpulso
Así mesmo a institución provincial ten habilitado o teléfono 982260204 e o enderezo electrónico bonoimpulso@deputacionlugo.org para calquera dúbida que poida xurdir.
Os bonos poderán canxearse en calquera comercio, negocio de hostelería e servizos, agás compra de bebidas alcohólicas, tabaco e lotarías, e co prazo máximo ata o 31 de agosto de 2021.
Non obstante, a veciñanza de Viveiro deberá canxear o seu bono nos establecementos adheridos á iniciativa no municipio. Deste modo, garantízase o investimento nos negocios locais de Viveiro máis afectados pola pandemia do COVID-19.
Os bonos adxudicaranse por orde de solicitude, que pode presentarse mediante a sede electrónica ou nas oficinas de Rexistro.
A Deputación de Lugo pretende así mobilizar máis de 1’5 millóns de euros nos sectores máis afectados pola crise sanitaria, grazas ao efecto multiplicador dos descontos, é que repercutirán positivamente na economía de Viveiro.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
