Burela, 29 de xuño de 2021. A Ocioteca de verán é unha actividade gratuíta ofrecida polo Concello como apoio ás familias na época estival. O alcalde, Alfredo Llano, dixo que foron presentadas 87 solicitudes para asistir neste 2021 e unha parte desa demanda non poderá ser atendida, debido á escaseza de monitores e á limitación do número de persoas por grupo, que non poderá superar as 10, segundo as medidas sanitarias vixentes na actualidade. O rexedor insistiu en que a Ocioteca non é un colexio alternativo, senón que se trata dunha serie de actividades para que as nenas e os nenos as disfruten durante as mañás en xullo e agosto.
Llano explicou que “o único que pretende o Concello é realizar algo de actividade, despois de que o ano pasado non puido facerse nada disto, para os nenos a as nenas, xa que están de vacacións e, se poden saír das casas porque non haxa ningún asunto sanitario que o impida, fagan algunha actividade. Pero con esta iniciativa non se pretende crear unha escola paralela nin moito menos senón ofertar unhas actividades para que os rapaces poidan pasalo o mellor posible, dentro das posibilidades que ten o Concello”.
O alcalde burelés contou que “este ano quixemos facelo dunha maneira tímida porque non sabíamos exactamente se ía haber oportunidade ou non de levar a cabo calquera tipo de actividade porque pensáramos noutras cuestións (deportivas, lúdicas, culturais…) e non foi posible. Entón ofertamos esa posibilidade para que se fora apuntando xente de acordo cunhas bases e inscribíronse 87 persoas. Pero nós temos que estar ás duras e ás maduras e quen obriga agora mesmo son as autoridades sanitarias e din que non se poden superar os 10 participantes por grupo, o que condiciona moito as actividades”.
Alfredo Llano indicou que “imos contar con 5 monitores, polo que poden atender a 50 persoas. A nosa intención era meter como mínimo 15 participantes en cada grupo se fora posible, co cal poderíanse cubrir as solicitudes que houbo. Pero agora o que pretendemos é atender o mellor posible, de acordo coas normativas que se están aplicando e coas garantías sanitarias que debe haber. O que se pretende á facer algo que sirva para motivar aos rapaces, pero non que sexa unha alternativa á escola nin ter aquí aos nenos coidados durante tres ou catro horas, o que sería unha competencia impropia que non podemos asumir”.
Para o rexedor a Ocioteca “é un servizo máis de ocio, deporte e cultura e imos intentar facer o máximo posible, pero tal e como están as circunstancias actuais e a normativa sanitaria é imposible abarcalo todo porque non superar os 10 participantes por grupo é un condicionante moi grande. Intentaremos ter os máximos monitores, dentro das posibilidades do Concello”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
