Mondoñedo, 18 de xuño do 2021. O BNG sacou adiante hoxe na Comisión de Ordenación Territorial, Obras Públicas, Medio Ambiente e Servizos a proposta de prolongar o terceiro carril de subida pola N-634 ata o enlace coa A-8 no alto da Xesta.
O deputado nacionalista no parlamento galego, Daniel Castro, defendeu a proposta e lembrou que o BNG leva desde o ano 2015 plantexando esta medida e aínda que a nivel municipal e provincial sempre se aceptou esta mellora por todos os grupos os gobernos populares e socialistas no congreso nunca se pronunciaron polo tema.
O BNG de Mondoñedo celebra tamén o acordo acadado esta mañá no parlamento.
Segundo apunta o voceiro municipal, Eloi Cabanas, esta medida fora proposta xa no concello no ano 2015 por entender que sería unha alternativa aos continuos peches da A-8 a raíz dos cales moitos transportistas decidiron desistir de empregar a autovía pola perigosidade do Fiouco e tamén polo menor consumo de combustible que supón o traxecto de 18 quilómetros pola N-634, que aínda que son dous máis ca o traxecto por autovía, o tempo é practicamente o mesmo e o aforro económico tamén é considerable.
A pesar de que a proposta de mellora da N-634 xunto coa emenda de prolongación do terceiro carril saíu adiante, o BNG pídelle ao PSOE que se poña mans á obra e non espere a ver que pasa co proceso de construción e experimentación dos prototipos antinéboa seleccionados para reducir o problema da néboa no alto do Fiouco.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
