Ribadeo, 7de xuño, 2021. Na XXVI Feira da Ciencia e da Cultura, boa parte do alumnado do IES Ribadeo Dionisio Gamallo tivo a oportunidade de visitar os museos científicos coruñeses.
O departamento de Bioloxía, que foi o encargado da actividade, seleccionou para o alumnado de 1º ESO a visita á Sala Nautilus do Aquarium Finisterrae. Trátase da sala máis espectacular do acuario, unha gran piscina de 4,4 millóns de litros onde nadan os maiores peixes do Atlántico. Puideron ver meros, douradas, os grandes bancos de xardas e de xurelos e, por suposto, as quenllas entre as que destaca Gastón, un Tiburón Toro macho de 2,5 m de longo e 120 kg de peso.
O alumnado de 2º ESO visitou a exposición “Puro Swing” na Casa das Ciencias centrado na explicación dos experimentos pendulares de Galileo e Foucalt que cambiaron a historia da ciencia, no segredo do botafumeiro, mirar como a gravidade fai debuxos xeométricos e aprender a facer maxia con péndulos acoplados.
Finalmente, na Domus, eleximos para 3º ESO a “Disección en directo do ollo” e para 1º Bacharelato, a “Disección en directo dunha flor”, ambas acompañadas de xogos interactivos coa aula.
Todas resultaron interesantes e o alumnado mostrouse participativo. Tan só queda pendente para esta semana a visita virtual ó Museo de Atapuerca, en Burgos, cocretamente á Sima dos ósos, que é un impresionante xacemento en zona de rocha calcaria onde se atopa a maior acumulación de fósiles humanos do mundo.
Nun curso condicionado pola pandemia e o protocolo anticovid, que fixeron imposibles a realización de prácticas de laboratorio, dende o IES de Ribadeo, queremos agradecerlle ós Museos Científicos Coruñeses e ó Museo de Atapuerca a súa colaboración.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
