Burela, 5 de xuño, 2021. O Pescados Rubén Burela FS deu esta tarde un primeiro paso de xigante na súa loita por seguir gozando da mellor liga do mundo. Os laranxas souberon competir fronte á fortaleza e coraxe de Durán Ejido Futsal (2-3) como local, cunha boa defensa e aproveitando as ocasións no primeira parte. Con 0-3 para os de Sito Rivera, os andaluces recorreron ao xogo de cinco tras o descanso, con 1-3 no 36 e 2-3 a falta de tan só 8 segundos. Vista Alegre poderá decidir xa o venres 11 (21.00 horas) na segunda cita; en caso de ser necesario, o terceiro envite disputarase ás 12.30 horas, tamén na Mariña.
O Pescados Rubén Burela FS fixo valer a súa efectividade en tan só tres minutos para poñer terra por medio, entre o 13 e 16, despois duns compases iniciais con ocasións en ambas as porterías e con moito perigo dos galegos á contra cunha presión asfixiante. Quintela, pola banda, abriu o marcador, para darlle o relevo a Javi Rodríguez no 15, cun golazo desde pista laranxa que sorprendeu a Franco adiantado. O 0-3 subiu co sempre máxico Matamoros, de cabeza, nun saque de banda de David Pazos que lle cedeu Renato ao 10. Durán Ejido optou por xogo de cinco con algo máis de tres minutos por diante para o descanso; case sobre a bucina Renato acariñou o cuarto a porta baleira.
O porteiro xogador local reinou durante toda a segunda parte, con cambio de protagonismo, fronte á sólida defensa galega e ao sempre incomensurable Edu, que desartellou o perigo dos andaluces máis incisivos: A. Motos, Nacho Gil e Cristian Rubio. Non deixou de insistir Durán Ejido no xogo de cinco e Pescados Rubén non conseguía atopar o cuarto. A falta de 4 minutos os locais deron co revulsivo para crer na remontada, con A. Motos. Na recta final, Josema evitou sobre a liña de meta o 1-4, tras un rexeite, e a 8 segundos, para dar aínda máis emoción, A. Motos volveu ver portería, co definitivo 2-3.
Ficha técnica
Durán Ejido Futsal: Franco, Josema, Cortés, A. Motos, Guille, cinco inicial; tamén xogaron Juanillo, Cristian Rubio, Nacho Gil, Negro, A. Vargas, Musa, Nacho C., Bustos
Pescados Rubén Burela FS: Edu, Matamoros, Renato, David Pazos, Quintela, cinco inicial; tamén xogaron Javi Rodríguez, Iago Míguez, Giasson, Álex Diz, Pitero
Goles: 0-1, minuto 13, Quintela; 0-2, minuto 15, Javi Rodríguez; 0-3, minuto 16, Matamoros; 1-3, minuto 36, A. Motos; 2-3, minuto 40, A. Motos
Árbitros: Martínez Flores // Navarro Liza. Por El Ejido amarela a A. Vargas. Por Burela amarela a David Pazos, Pitero, Quintela.
Incidencias: Primeiro partido da fase de promoción de Primeira División disputado no municipal del Ejido.
Final del formulario
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
