Ribadeo, 8 de xullo de 2021. A Asociación de Comerciantes, Industriais, Servizos e Autónomos (ACISA) ribadense pide especial prudencia a veciños e visitantes do municipio esta fin de semana, na que se celebraría o Ribadeo Indiano, e que se suspendeu debido á pandemia. A patronal local, como coorganizadora do evento xunto ao Concello de Ribadeo, solicita moita precaución para evitar que haxa unha alza nos contaxios de Covid-19.
O presidente de ACISA Ribadeo, Francisco Iriarte, explica que “tomar a decisión de anular o Ribadeo Indiano non foi nada fácil, nin para o Concello nin para nós, pero cada vez estamos máis convencidos de que foi a decisión máis acertada. Todos sabemos o importante que é o Ribadeo Indiano para a nosa economía, e especialmente nós, a asociación de comerciantes e hostaleiros, pero a actual situación non se achega a ser minimamente óptima para realizalo. E desde ACISA, como colectivo que engloba ás empresas máis prexudicadas por esta decisión, cremos que o Concello e nós tomamos a decisión debida. Agora ben, esta decisión tomouse para evitar un descontrol nas rúas, aglomeracións, botellóns, festas descontroladas, reunións excesivas en domicilios. Pero non cancelamos o evento para dar pé a actitudes incívicas e irresponsables en contornas privadas ou públicas, que nos poidan levar, como está a suceder noutros lugares, a ter que sufrir novas restricións.”
Francisco Iriarte engade que “vestirse de indiano non fai dano a ninguén, se así alguén quere lembralo, e tomar algo na hostalería ou facer unha comida nun restaurante de forma controlada e cumprindo escrupulosamente as normas tampouco prexudica a ninguén; de feito axudará a un sector moi danado, pero queremos insistir nunha única mensaxe: prudencia.”
Mensaxe especial aos mozos
O xerente de ACISA, Jesús Pérez, diríxese aos mozos “por empatía con eles porque teño 27 anos e encantaríame poder celebrar como faciamos sempre o Ribadeo Indiano, pero non é posible. Os menores de 40 anos estamos case todos sen vacinar e ata que non o fagan, algo que debería ser canto antes vista a actual situación, insisto nunha mensaxe que xa transmitimos con anterioridade: non só non somos inmunes ao virus se non que somos un factor de risco, por ser potenciais contaxiadores. Non só podemos enfermar nós moi gravemente se non que podemos levar o Covid á casa, a familiares que non teñan a pauta de vacinación completa ou que aínda téndoa poidan enfermar igual.”
Jesús Pérez envía tamén unha mensaxe aos pais dos máis novos: “aos seus fillos non lles vai a pasar nada se lles din que saian con coidado, que non se vaian a unha festa 30 escondidos nunha casa, nun garaxe ou nalgunha zona pública oculta porque de aí é máis que probable que poida xurdir un brote de coronavirus. Por iso non só pedimos responsabilidade directa aos mozos se non tamén aos seus pais.”
Para finalizar ACISA Ribadeo considera ademais que “este verán debemos deixalo pasar sen eventos nin festas; se non se estraga antes do previsto co aumento de casos que se está vendo en España, as previsións de negocio eran bastante boas, moito mellores que o pasado ano, sen necesidade de facer eventos, polo que o Concello de Ribadeo ten o noso apoio para este verán sacrificar as festas, que a todos nos gustan pero especialmente aos mozos, que son quen no fondo máis as gozan. O Carme, a Festa do Percebe de Rinlo, a Xira a Santa Cruz, etcétera oxalá puidesen celebrarse con normalidade, así o quixésemos todos, pero con sorte este será o último verán de sacrificio.”
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
