Viveiro, 30 de xullo de 2021. O Concello de Viveiro, a través da concellería de Benestar Social, informa sobre a labor do Departamento de Inmigración/Emigración do Concello, o cal dentro do Plan de Inclusión solicitado realizou durante o primeiro semestre deste ano 2021 os seguintes programas, centrados no emprego, a formación, a lingua, o reforzo escolar, o asesoramento e a mediación intercultural. A continuación, detállase o balance de cada programa.
PROGRAMA ITINERARIOS DE INCLUSIÓN SOCIOLABORAL DE TRANSICIÓN AO EMPREGO
Dende o 1/12/2020 ao 30/06/2021, foron 828 horas, nas que completaron o itinerario un total de once persoas (dez mulleres e un home), das cales nove atoparon emprego. Os itinerarios deseñados foron adaptados as características e necesidades de cada un dos/as usuarios/as, prestando asesoramento personalizado sociolaboral e familiar, como en materia de estranxeiría, ata a formación en técnicas de busca activa de emprego e habilidades sociais.
Durante todo o itinerario existe un seguimento e apoio continuo, ademais de traballar a motivación e autoestima a través dunha participación activa. Realizáronse un obradoiro de HH.SS e outro de Autoestima para mulleres inmigrantes e dúas xornadas grupais de Orientación Laboral. Con respecto aos obxectivos propostos considérase que foron acadados tanto dende o punto vista técnico como participante.
PROGRAMA DE FORMACIÓN ADAPTADA ADULTOS
Co obxectivo de mellorar o acceso e mantemento ó mercado laboral, este programa ofreceu dous obradoiros de 20 horas de alfabetización dixital, entre o 1/12/2020 ao 30/06/2021, nos que participaron 16 mulleres e 3 homes.
PROGRAMA FORMACIÓN LINGÜÍSTICA E NOS VALORES DA SOCIEDADE DE ACOLLIDA
Neste caso realizouse dunha banda, un obradoiro de Alfabetización e reforzo de galego e castelán para adultos, un dos máis demandados e, habitualmente, existe lista de espera, debido ó carácter individualizado do mesmo. Dende o 1/12/2020 ao 30/06/2021 impartíronse 342 horas creáronse dúas aulas de alfabetización, en función das necesidades do alumnado en horario de mañá para favorecer a conciliación familiar e laboral. Participaron cinco mulleres e un home.
Doutra banda, levouse a cabo unha formación nos valores da sociedade de acollida. Esta actividade realizouse os luns e xoves, durante un total de 108 horas dende o 1/12/2020 ao 30/06/2021. Realizouse un percorrido a través dos costumes e tradicións de todo o territorio español, facendo especial fincapé, na nosa comunidade autónoma. Tamén se abordaron temas tan complexos como a Constitución Española e a realidade social e cultural española, coa finalidade de facilitar a aprendizaxe de contidos mínimos en estas materias e posteriormente, presentarse ao exame para obter a cidadanía española. Participaron tres mulleres e dous homes.
PROGRAMA DE REFORZO ESCOLAR PARA ALUMNADO INMIGRANTE
Ademais, impartíronse 96 horas de reforzo en primaria e 96 de reforzo en secundaria, dende o 1/12/2020 ao 30/06/2021, a través de dúas aulas de apoio individualizado. Os participantes desta actividade, habitualmente son menores de orixe estranxeiro en idade escolar obrigatoria derivados polos propios centros educativos. En total, beneficiáronse do programa dez menores de Educación Primaria e sete de Educación Secundaria.
PROGRAMA DE ASESORAMENTO E ATENCIÓN XURÍDICA- LEGAL, SOCIAL E ADMINISTRATIVA
Esta acción é a que abrangue máis volume de atencións personalizadas xa que dende o 1/12/2020 ao 30/06/2021 véñense mantendo un número aproximado de 150 consultas ao mes das cales 62 foron incluídas na plataforma de Inclusión. Contaron con asesoramento 37 mulleres e 25 homes.
PROGRAMA DE MEDIACIÓN INTERCULTURAL
Este programa busca garantir o acceso e uso dos servizos públicos e conseguir a plena participación da poboación inmigrante en tódolos ámbitos en condicións de igualdade. Neste caso realizáronse moitas mediacións entre institución educativas, sanitarias e administrativas, facilitando a comunicación e o entendemento daqueles que o idioma segue a ser unha barreira para o desenvolvemento da vida cotiá.
Outra das mediacións máis demandadas foi sobre o cambio na maneira de interactuar coas administración públicas, que á barreira do idioma se lle suman tódalas solicitudes de trámites de estranxeiría, becas ou prestacións de maneira telemática. Os obxectivos establecidos foron acadados a través de 1302 horas dende o 01/12/2020 ata o 30/06/2021.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
