A Pontenova, 21 de xullo de 2021. Cine ao aire libre, teatro, danza, música e xogos acuáticos no Pozo do Ola serán algúns os protagonistas das actividades de verán que organiza o Concello da Pontenova.
“Presentamos unha ampla selección de actividades nas que poden participar toda a familia, ademais este programa que se celebrará dende finais de xullo e agosto é completamente gratuíto” dixo Campos Conde.
“Quero lembrar que esta programación ao aire libre está adaptada ás actuais condicións sanitarias, e respectaranse escrupulosamente as medidas sanitarias preventivas fronte aos contaxios por covid-19. Non podemos baixar a garda”, avanzou o rexedor.
Programación
A escola Municipal de Teatro da Pontenova inaugura a tempada estival co “Misterio da Via Rexia”, a cita será 23 de xullo ás 23.00 horas. O día 24 haberá cine ao aire libre coa proxección da película “Cuñados”, ás 23:30 horas. E o 25 a protagonista será a danza coa compañía “Propulsa”. As actuacións destes tres días celebrárase na Praza dos Fornos.
O Pozo da Ola será o escenario doutro inesquecible verán con xogos acuáticos, serán os días 12, 13, 14 e 15 de agosto. A programación destas actividades deportivas fluviais, de balde e para todos os públicos, desenvólvese en espazos naturais como o noso río e inclúe atraccións con inchables e moitos xogos. Cada sesión de mañá e tarde, estará supervisada por profesionais.
O mes de agosto comeza coa actuación musical dos Piñeiros será o día 6 de agosto ás 22:30 horas. O 13 ás 22:30 horas o protagonista será o Circo do lume, que inclúe números que mesturan técnicas de baile con malabares, manipulación, pirofasia e humor. A Banda da Loba actuará o día 21 de agosto ás 21:30 horas, e por último haberá maxia da man de David Méndez, o día 28 de agosto ás 20:30 horas. Todas estas actuación celebraranse tamén na Praza dos Fornos.
Campamento de verán
Paralelamente a estas actividades o Concello da Pontenova organiza novamente unha nova edición do seu campamento de verán para os máis pequenos da casa, poden participar dende os 3 aos 14 anos, e están adaptadas ás normas COVID. “Celebrase dende o 26 ata o 30 de xullo, e no mes de agosto dende o día 2 ata o 6 cun horario de 10:00 a 14:00 horas”. Para participar, previo pago da matricula, hai que inscribirse no Concello.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
