Cervo, 4 de xullo, 2021. A Fundación ALCOA, a proposta da fábrica de San Cibrao, financiará un curso de especialización en polímeros, dirixido e liderado pola Universidade de Coruña. Desta formación beneficiaranse os alumn@s matriculados no curso 2021-2022 nos ciclos superiores de Química Industrial e Programación en Moldeo de Metais e Polímeros, que se imparten no IES Marqués de Sargadelos (San Cibrao) e no IES Illa de Sarón (Xove), respectivamente.
Esta formación específica constará de 300 h en réxime semipresencial e desenvolverase paralela á recibida nos módulos do ciclo superior. Impartirase nunha etapa inicial no IES Marqués de Sargadelos co fin de introducir ao alumnado na síntese e produción da materia prima (polímero) desde a súa aplicación económica e social, pero sobre todo desde o punto de vista industrial e ambiental. Esta formación será de 50 h en réxime semipresencial. Polo seu carácter fundamentalmente teórico, a maior parte impartirase na modalidade on- line. As prácticas e talleres (como fabricación de nylon ou bioplásticos) realizarase en modalidade ou réxime presencial.
A porcentaxe maioritaria da formación será a cargo da Universidade de Coruña e a duración desta formación será de 200 h, das cales o 60% será teórica, impartida en modalidade on- line, e o 40% restante consistirá en prácticas, visitas e demostracións realizadas en laboratorios ou talleres achegados pola Universidade. Esta parte da formación será por tanto en réxime presencial. Finalmente, para completar a súa formación, o alumnado poderá comprobar a aplicación dos polímeros estudados, sendo estes a materia prima da maior parte de produtos que están presentes na nosa vida diaria. Recibirá para iso unha formación teórico-práctica de 50 h no IES Illa de Sarón, onde poderán realizar experiencias ou prácticas relacionadas coas técnicas de fibra de vidro e fibra de carbono, tanto en laminación como en infusión por técnica sen carga. A formación será tamén en réxime semipresencial.
O campo industrial da produción dos polímeros constitúe aproximadamente o 50% da produción da industria química en España, polo que representa un importante impulso para o emprego dos estudantes de FP.
Na carreira da innovación, produción e competitividade nos mercados internacionais, o tecido industrial necesita de profesionais moi ben formados e capaces de reaccionar con celeridade ás demandas de produción, polo que o alumno receptor desta formación alcanzará un plus engadido á súa formación regrada nos títulos que se imparten en ambos os institutos. Esta mellor formación traducirase na obtención dun produto ou servizo de maior calidade, o cal achegará ademais un gran beneficio á sociedade actual.
Desde a dirección de ambos os centros educativos informan que o prazo para presentar solicitudes está aberto ata o día 5 de xullo e que é requisito imprescindible para realizar esta formación específica o estar matriculado no curso lectivo 2021-2022 no Ciclo Superior de Química Industrial (San Cibrao) ou no Ciclo Superior de Programación en Moldeo de Metais e Polímeros (Xove). O calendario dos distintos prazos de matrícula (xullo-setembro) para ciclos formativos de FP pódese consultar na páxina da Consellería de Educación ou solicitar directamente información nos institutos de San Cibrao e Xove.
A Fundación Alcoa, co respaldo da Fábrica de San Cibrao, vén colaborando en numerosos proxectos de apoio á comunidade da contorna de San Cibrao, A Mariña e Galicia en xeral. Fundación Alcoa inviste nas comunidades nas que Alcoa está presente, colaborando con organizacións sen ánimo de lucro para abordar as necesidades locais de maneira sostible, contribuíndo ao desenvolvemento de programas para protexer e preservar o medio ambiente e promover o acceso equitativo á educación e as oportunidades de desenvolvemento de habilidades.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
