Ribadeo, 30 de xullo de 2021. O salón de plenos acolleu a recepción ofrecida polo Concello aos medallistas no pasado Campionato de España de Remo Olímpico 2021, celebrado en Bañolas: Irene García, Antón Balsa, Mateo Monteserin e Conrado Lara. Na acto a estes deportistas do Club de Remo de Ribadeo participaron o alcalde, Fernando Suárez, o concelleiro de Deportes, Jorge Díaz, a concelleira de Igualdade, Mariluz Álvarez, e o técnico de Deportes, Iván López.
O rexedor dixo: “a verdade é que co Club de Remo xa está sendo unha tónica habitual que nos vexamos aquí cada pouco, sempre por cousas boas, e especialmente para recoñecer o labor dos adestradores, dos país, das nais e das familias e por ir moldeando esta marabilla de nenos e de nenas que nos últimos tempos non deixan de darnos alegrías porque están poñendo o nome de Ribadeo moi alto cada pouco, para ben ademais. Con estes recoñecementos de campionatos e subcampionatos de España fanos a todos sentirnos moi orgullosos de que aquí en Ribadeo, desde non hai moito tempo, un grupiño de persoas está facendo cousas moi bonitas que, como mínimo, nos levan a facervos un recoñecemento formal aínda que o máis importante é o voso premio, pero cremos que institucionalmente tamén poidades vir á Casa do Concello, á casa de todos, para recibir un detalliño que encha as vosas vitrinas, que xa supoño que, aínda que sodes todos moi noviños, xa as teredes cheas de medallas e de trofeos. Pero, desde logo, o que estades facendo non é tan doado e queríamos contribuír honestamente. A Conrado, a Antón, a Irene e a Mateo parabéns e seguide así”.
A concelleira de Igualdade manifestou: “agradecervos o traballo, o tesón e o esforzo que tivestes ao longo deste ano e de todos os anos, porque o conseguido este ano non é só deste senón de toda a traxectoria que levades no Club de Remo. Agradecer, como non podía ser doutra maneira, aos vosos adestradores, a Mauri, a Miguel e ás persoas que están aquí con nós, que primeiro tiveron a idea porque eles tamén desfrutaron desta parte do remo e tiñan ese gusaniño de volver reactivar o remo no noso concello, aspecto moi importante.
Tamén agradecerlles a súa profesionalidade e o seu traballo, os premios a ese traballo e a esa labor que eles fan, desinteresada para con vos e para o noso concello, trae os froitos que trae. Así que noraboa, grazas a eles e ás familias tamén por estar aí, noraboa para vos, seguide así. Unha parte moi importante é o deporte, sobre todo na idade na que estades, porque ocupa moito do voso tempo e iso é moi importante no momento da etapa que estades formándovos e cultivándovos a nivel de corpo e mente. Deste xeito tedes o tempo libre ocupado cunha vida sa e tamén os estudos, eu creo que unha cousa contribúe a outra, os hábitos e as rutinas son moi importantes na vida diaria, no momento de saír e tamén no estudo. Así que noraboa, e moito ánimo tamén para eles e moita forza para seguir traballando con vos”.
O edil de Deportes sinalou: “queremos darvos a noraboa, tanto a Irene, como a Mateo, a Conrado e a Antón, por este éxito que lograstes fai poucos días. Tamén dar a noraboa a todo o gran equipo que formades onde está Mauri, Miguel e todos os pais e nais que forman o Club de Remo. Un dos valores que ten o deporte, desde logo, é educativo e formar equipos e facer máis conxunto entre persoas.
Este trofeo faino a Asociación de Axuda ao Enfermo Mental A Mariña, queremos saír así un pouco dese trofeo protocolario que había. Este é feito a man e queremos axudar tamén a esta asociación, a través do deporte, a darvos este pequeno agasallo para recoñecer o gran esforzo que estades a facer”.
O presidente do Club de Remo, Miguel Balsa, destacou as medallas conseguidas polos seus deportistas “en todas as categorías” así como “o traballo moi grande o que se fai, de xeito altruísta por parte do adestrador”.
E Fernando Suárez adiantou que “desde o Concello seguimos traballando e tentaremos resolver un montón de trámites para que se drene e se amplíe o canal que tedes alí ao pé do voso lugar de adestramento”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
