Barreiros, 14 de xullo de 2021. O Partido Popular de Barreiros a atribúe a falta de socorristas á “falta de previsión e á desastrosa xestión de Ana Ermida”, pois defenden que é responsabilidade da entidade local garantir este servizo e así manter as Bandeiras Azuis outorgadas ás praias de Acantilado-Remior, Coto e A Pasada.
Para os populares, segundo explica o voceiro, José Manuel Gómez Puente, o goberno local “é o único responsable de que os bañistas queden totalmente desprotexidos”. E é que dende que os nacionalistas chegaron ao Concello o número de profesionais que se contrataban para esta fin sempre foi a menos.
“Cando gobernaba o Partido Popular pódese dicir que eramos punteiros”, pois, ademais do proceso administrativo que conleva a contratación deste persoal, dende a entidade local poñíase a disposición dos traballadores outras prestacións que contribuían a que “os socorristas quixesen vir a Barreiros”. Refírese así Gómez Puente a que o Concello ofrecía aos seleccionados outras facilidades para favorecer a súa estancia durante o período que fixaba o contrato laboral.
“Falta de vontade política e de traballo”
Os populares de Barreiros consideran, por tanto, que os argumentos dados pola rexedora “son escusas” e evidencian “falta de vontade política e de traballo por parte da alcaldesa” para cubrir esta prestación. Proba delo é que Concellos limítrofes como os de Ribadeo ou Foz non contan con baixas no servizo de socorrismo.
“Dos contos non se vive”
José Manuel Gómez Puente pídelle á dirixente do BNG “que se deixe de falacias e traballe algo máis”, pois “o único que conta son contos, e dos contos non se vive”. “Barreiros ten nas súas praias un forte potencial turístico e económico. É unha mágoa que a alcaldesa non aposte por elas”, conclúe.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
