Viveiro, 20 de xullo de 2021. Mentres a Administración insta aos propietarios de terreos a rozalos e mantelos nas debidas condicións de ornato e hixiene, a propia Administración, con frecuencia, esquece as súas obrigas e ten as súas estradas sen rozar e cheas de maleza. Iso é o que ocorre no concello de Viveiro, e unha proba diso é como están as beiras da estrada municipal en A Furadiña ( As Nogueiras). O PP faise eco das queixas dos veciños e reclama do goberno municipal que dea as ordes oportunas para executar o rozado das beiras de dita vía e o podado das árbores que dificultan o paso de furgonetas e camións.
O portavoz do grupo municipal do PP, Óscar Rodríguez, di que camiñar pola estrada en A Furadiña constitúe un verdadeiro risco. Á falta de beirarrúas súmase agora a existencia de gran cantidade de maleza nas beiras, polo que os peóns teñen que camiñar case polo medio da calzada, con risco para a súa integridade física.
Nun tramo da estrada hai árbores a cada lado. Rodríguez sinala que fai tempo que non foron podadas e, debido a elo, hai algunhas polas moi baixas, nas que rozan as furgonetas e os camións, ata o punto de que parece que hai servizos que prefiren non ter que circular por ese punto.
O portavoz municipal, tras escoitar as queixas dos veciños, sinala: “É inadmisible o abandono ao que somete o Concello de Viveiro a esta parte da cidade. Algo tan sinxelo como rozar as beiras da estrada, está sen facer pasado mediados de xullo. É hora de que o goberno municipal se poña as pilas e dea as ordenes oportunas para solucionar este problema. Xa é tempo de que a alcaldesa e o seu equipo saían da zona de confort e se poñan a traballar”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
