Ribadeo, 20 de xullo de 2021. Un total de 834 persoas con idades comprendidas entre os 18 e os 29 anos serán chamadas polo Sergas para someterse a un cribado masivo o vindeiro venres, 23 de xullo, en Ribadeo.
O alcalde, Fernando Suárez, explicou que “estamos traballando co Sergas para facer un cribado masivo para a xuventude. Será este venres pola tarde en Ribadeo, no pavillón novo, tal e como se fixera hai uns meses coas veciñas e cos veciños de Arante”.
O rexedor contou que “van avisar a 834 persoas de entre 18 e 29 anos. Segundo nos informan non vai ser necesario inscribirse en ningún rexistro habilitado para este fin. Simplemente o Sergas lles mandará unha mensaxe sms ao teléfono de contacto que teñan na súa tarxeta sanitaria. As mozas e os mozos desa franxa de idade que estean moi pendentes dos seus dispositivos móbiles ao longo das vindeiras horas”.
Suárez Barcia pide “a toda a xuventude que sexa citada para ese cribado masivo que por favor que acudan para confirmar si son positivos e actuar canto antes ou se son negativos para continuar coa súa vida e a súa actividade sen sobresaltos. É polo ben de todos e todas. Estamos en pleno verán, tempada alta para a nosa hostalería e o noso comercio, e non podemos seguir expandindo o virus”.
O alcalde lembrou que “a día de hoxe somos 45 positivos por covid en Ribadeo, uns con síntomas leves e outros asintomáticos. De aí que sexa moi importante concienciarse da necesidade de someterse a este cribado e de seguir tendo moito coidado cos nosos comportamentos.
Debemos levar máscara, debemos seguir hixienizando as mans, debemos manter as distancias de seguridade… se non o facemos e se non nos concienciamos isto non ten fin”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
