Ribadeo, 6 de xullo de 2021. O Grupo Municipal Popular de Ribadeo denuncia “o abandono” no que o BNG ten os barrios e as parroquias da vila. Así o trasladan as edís Elena Sierra e Montse Seijo logo de visita a distintos barrios que, segundo apuntan, “presentan unha falta de inversión absoluta”.
Recentemente, as populares estiveron no barrio dos Galos, que é un exemplo de como o Concello “non garante a igualdade entre veciños”. Anteriormente, segundo explica a vicevoceira, mantiveron reunións cos veciños da Torre, Justo Barreiro, San Miguel, Rúa do Amalló, A Pega, Faxarda e Alza San Lázaro; núcleos que adolecen de accesos axeitados e dunha seguridade que garanta o acceso rodado aos usuarios.
Precisamente, Elena Sierra destaca que “levamos a pleno durante estes meses a necesidade da súa mellora e o único que contestaron foi que non estaban tan mal ou que non eran prioritarios. En definitiva, escusas para non investir, pero é inxusto que estean neste abandono”, reclama.
Para a Montse Seijo, a situación dos núcleos urbanos reflíctese tamén nas parroquias do rural, “que están esquecidas polo goberno do BNG”. “Sabemos que non lles gusta oír isto pero o certo é que só fai falla darse unha volta para ver como están as estradas do Concello e da Deputación para darse conta da deixadez existente, como tamén da falta de desbroce e do deterioro das estradas, das áreas recreativas e dos colectores de lixo”. Precisamente, sobre estes últimos puntualiza que “non os hai en todos os tipos e, os que hai, están rotos ou teñen unha falta de base”.
Peticións claras ao BNG
Por este motivo, os populares volven a pedir aos nacionalistas que “actúen para que non haxa veciños de primeira e de segunda, elaboren un plan de traballo en serio e que se deixen de dar escusas aos cidadáns”, ao tempo que demandan “a colaboración co asociacionismo para trazar un plan de infraestruturas e un contacto directo con eles, así como unha programación de limpeza e de desinfección”. E é que, segundo afirma a coordinadora de Medio Rural, “despois de 14 anos do BNG non investiron nin un só euro nas estradas do rural e do casco urbano. O único que importan son as fotos e anuncios que non se cumpren”, manifesta.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
