Lugo, 22 de xullo de 2021. A subdelegada do Goberno, Isabel Rodríguez, informou hoxe de que as forzas e corpos de seguridade reforzarán os dispositivos que vixilan o cumprimento das medidas sanitarias contra a pandemia na fin de semana do día de Santiago e intensificarán o seu traballo nos municipios para os que a Xunta anunciou novas restricións. Así o anunciou Isabel Rodríguez trala reunión de coordinación policial celebrada na Subdelegación do Goberno, na que participaron mandos da Garda Civil, a Policía Nacional, a Policía Autonómica, a Policía Local de Lugo e representantes de Protección Civil e da Subdelegación.
Isabel Rodríguez destacou que nos próximos días está previsto reforzar os controis nos concellos da comarca da Mariña para os que a Xunta acordou fixar o nivel alto de restriccións. A subdelegada explicou que, unha vez que entren en vigor as novas medidas anunciadas pola Xunta, intensificarase o labor de vixilancia que realizan conxuntamente as forzas de seguridade nos municipios de Cervo, Burela, Foz, Ribadeo e Viveiro.
Ademais, manteranse os dispositivos de vixilancia en lugares nos que poden producirse aglomeracións de persoas, tanto na cidade de Lugo como no resto da provincia, moi especialmente na fin de semana do Apóstol.
Rodríguez destacou a boa coordinación coa que están a traballar todas as forzas e corpos de seguridade na provincia e reiterou o seu agradecemento polo gran esforzo que están a facer.
Asímesmo, a subdelegada apelou, unha vez máis, a necesaria responsabilidade individual en cumprimento das normas decididas polas autoridades sanitarias que teñen a finalidade, dixo, de poñer freo á expansión da pandemia.
BALANCE DE SETE DÍAS
Na reunión, a subdelegada informou de que a Policía Nacional e a Garda Civil realizaron 524 controis na última semana, coa participación de 1.098 efectivos, nos que se identificou a 5.870 persoas. Foron controlados ademais 4.863 vehículos. E realizáronse 424 inspeccións a establecementos de hostalería. Froito dos controis realizados entre os días 15 e 21 de xullo, as forzas de seguridade do Estado realizaron 32 propostas de sanción.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
