Mondoñedo, 17 de xullo, 2021. Dende o Concello de Mondoñedo apóstase pola posta en valor dos elementos patrimoniais do concello, entre os que a Cova do Rei Cintolo ocupa un lugar primordial.
Dende fai uns anos o Concello de Mondoñedo ofrece visita guiadas á Galería Central da cavidade como unha iniciación ao mundo da espeleoloxía. Trátase de visitas de algo máis de 1h e 15mins que achegan o mundo subterráneo a calquera persoa que queira coñecelo en estado natural.
Agora, buscado unha mellora na oferta de actividades turísticas dentro da Cova do Rei Cintolo, o Concello de Mondoñedo, en colaboración coa Federación Galega de Espeleoloxía, organizan un guiado especial de visita á cova cun percorrido máis longo.
Este primeiro guiado especial terá lugar o venres día 30 de xullo de 2021 e será a primeiro dos dous que se levarán a cabo este verán.
Neste caso as visitas chegarán á parte baixa da cavidade, ao río da cova, e ocuparán arredor de 3h de actividade. As entradas terán un custo de 30€ por persoa.
Para esta visita especial haberá que solicitar praza na Oficina de Turismo de Mondoñedo a través do teléfono 982 50 71 77 e farase unha visita pola mañá e outra pola tarde do citado día 30.
Por outra banda, dado que esta é unha visita máis longa e complexa, considérase preciso que as persoas que queiran visitala teñan unha forma física boa, xa que a dificultade da mesma é media-alta. Tamén indicar que a idade mínima para poder facer esta visita é de 18 anos.
A finalidade desta acción, que terá outra visita especial en agosto, é a posta en marcha dun novo percorrido a desenrolar a partir do ano 2022 que complemente o xa existente da Galería Central.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
