Ribadeo, 22 de agosto de 2021. No concerto de música de cine, que tivo lugar onte á noite fronte ao edificio da Aduana ribadense coa proxección de fragmentos das películas nunha pantalla, a Banda de Música Municipal de Ribadeo interpretou por primeira vez nove das doce pezas incluídas no programa. O concerto contou coa afluencia de numeroso público na contorna do parque de San Francisco.
A Banda ribadense tocou The avengers, de Alan Silvestri; You´ll be in my heart, de Phil Collins; I will always love you, de Dolly Parton; Back to future, de Alan Silvestri; Cabaret, de John Kander; Mission impossible theme, de Lalo Schifrin; Shallow, de Lady Gaga, M. Ronson e A. Rossomando; Bohemian Rapsody, de Freddie Mercury; Eye of the tiger, de F. Sullivan e J. Peterik; The music of James Bond, de Michael Brown; Got you (I feel good), de James Brown; e Sesame street theme, de Joe Raposo. Este último foi o tema musical que interpretaron como bis.
O director da Banda de Ribadeo, David Ballester, agradeceu o gran esforzo que tiveron que facer para levar a cabo este concerto os músicos da formación e tamén os operarios municipais que se encargaron da montaxe para esta actuación: Xera, David e Francisco.
O próximo concerto da Banda ribadense está programado para o día da patroa da vila, Santa María do Campo, que se celebra o 8 de setembro.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
