Viveiro, 23 de agosto de 2021. O Concello de Viveiro informa que hoxe tivo lugar a Xunta de Goberno Local, copresidida pola Subdelegada do Goberno en Galicia, Isabel Rodríguez López, e a Alcaldesa de Viveiro, María Loureiro García, en relación ao dispositivo de seguridade do Resurrection Fest Limited 2021, que se celebrará os días 26, 27 e 28 de agosto.
Nesta reunión estiveron presentes os representantes dos distintos corpos e forzas de seguridade, concretamente da Policía Local, da Policía Nacional, do Subsector de Tráfico e Garda Civil do Mar, da Policía Autonómica, de Protección Civil e do Parque de Bombeiros de Viveiro. A reunión tamén contou coa presenza de representantes da organización do festival.
Segundo os datos facilitados, o aforo máximo do festival será de entre 1000 e 1500 persoas cada día.
Na reunión deuse conta do exhaustivo protocolo previsto para o interior do recinto, así como das medidas a adoptar polos corpos e forzas de seguridade para garantir a seguridade tanto durante a celebración do festival como despois. Neste sentido, cabe destacar que a Comisaría da Policía Nacional se vai reforzar cunha Unidade de Intervención Policial, unha Unidade da Cabalería e unha Unidade de Guías Caninos.
Durante a celebración do festival, extremaranse as precaucións sobre todo nos momentos de entrada e saída ao recinto. Deste modo, unha vez que rematen os concertos, á 1:00 da madrugada, os corpos e forzas de seguridade continuarán velando pola seguridade e o cumprimento das medidas establecidas pola autoridades sanitarias, con especial atención ao ocio nocturno, ao tempo que se adoptan as medidas oportunas para evitar aglomeracións ou botellóns.
Lémbrase, asemade, que non vai haber acampada e que se van realizar as labores de control para evitar que se acampe.
O Concello de Viveiro recalca que se trata dunha edición do festival adaptada á normativa e ás circunstancias, cun público moi reducido con respecto ás edicións precedentes, nas que se extremarán as precaucións para garantir a seguridade.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
