Ribadeo, 9 de agosto de 2021. Seguen en descenso os casos de contaxios de covid en Ribadeo. A día de hoxe son 43 os diagnosticados. O alcalde, Fernando Suárez, pídelle á cidadanía, tanto aos que viven en Ribadeo como aos que visitan a localidade, un comportamento individual responsable diante das boas perspectivas, que poden verse truncadas “se as cousas non se fan como se debería”.
O rexedor dixo que “vemos con moita prudencia como os datos de contaxios en Ribadeo están a evolucionar á baixa. Do case centenar de persoas de hai uns días, hoxe temos un total de 43 casos diagnosticados, segundo os datos que diariamente emiten as autoridades sanitarias. Tamén os índices de incidencia acumulada de contaxios xa están baixando de escala, pasando dos mais de 500 por cada 100.000 habitantes a entre 125 e 250 nos últimos 7 días, o cal quere dicir que xa pasamos o pico do gromo e que estamos descendendo”.
Suárez Barcia pensa que “quizais nos vindeiros tempos Ribadeo poida tamén saír do nivel de alto de restricións no que está actualmente e pasar a un nivel medio, o cal redundaría fundamentalmente no sector servizos por mor do incremento das capacidades dos locais”.
Centro de Atención ás Persoas Maiores
O alcalde referiuse nesta xornada ao gromo detectado hai uns días na nova residencia de maiores: “tamén podemos ver con moita esperanza como evoluciona o gromo detectado hai uns días no novo Centro de Atención ás Persoas Maiores de Ribadeo e que afecta a 6 residentes e 1 traballador. Cónstanos que todos os contaxiados están asintomáticos, o que demostra a valía das vacinas, xa que non impiden o contaxio, pero si impiden que as consecuencias se tornen dramáticas”.
Para Fernando Suárez “o mais importante neste momento é que o centro evoluciona segundo o esperado e mantéñense e manteranse os cribados con antíxenos, para intentar controlar a cadea de transmisión. A modo de exemplo, no cribado feito nesta mesma mañá, o resto de usuarios do centro seguen sendo negativos en covid. A quenda do cribado dos traballadores será mañá, a través do test de saliva, xa que todos os traballadores deron negativo nas PCR do pasado venres”.
O rexedor ribadense engadiu: “temos que lembrar que os centros de maiores, como parte da sociedade, están máis expostos que nunca desde que empezou a pandemia, ao existir moitas persoas asintomáticas pero contaxiadoras que acceden aos centros. Por outra banda, os residentes participan da vida da comunidade ao saír e socializarse, polo que a probabilidade de contaxio é moi elevada neste momento”.
E volveu pedirlle responsabilidade individual á cidadanía: “con todo, debemos pedirlle unha vez mais a toda a cidadanía, á que está aquí todo o ano e á que nos visita nesta época, un comportamento individual responsable, pois estas boas perspectivas pódense ver truncadas se as cousas non se fan como se debería”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
