O Valadouro, 11 de agosto de 2021. Os alcaldes socialistas do Valadouro e Alfoz, Edmundo Maseda e Jorge Val agradeceron hoxe o compromiso do Goberno de Pedro Sánchez coa mellora dos servicios públicos destes dous concellos mariñaos.
Así o dixeron tras recibir a visita do Presidente de Correos, Juan Manuel Serrano, quen anunciou que vai ampliar o horario de atención da oficina de correos do Valadouro. Tras visitar as instalacións desta entidade postal avanzouse que a partir do 1 de setembro o horario de apertura realizarase dende ás 9:00 da mañá ata ás 2:30. No acto tamen participaron o responsable de Correos, Xose Choren e o concelleiro do Valadouro, Iago Fernández.
Os rexedores remarcaron “que con esta novo horario damos resposta a unha vella demanda da veciñanza que reclamaban que a oficina de correos abrira máis horas ao público”. Ademais lembraron que a oficina de correos do Valadouro “tivo que lidiar cos recortes que impulsou o PP ata deixala na situación na que se atopa actualmente. Por iso este anuncio é unha boa nova, non só para os concellos do Valadouro e Alfoz, senón para toda a Mariña”.
Pola súa banda a Secretaria Provincial e Deputada Autonómica, Patricia Otero dixo que mentres “o Goberno do PP pecha colexios, centros de saúde e recorta en profesorado nos centros da nosa provincia, o Goberno de Pedro Sánchez impulsa medidas para mellorar a calidade de vida da nosa veciñanza, como acontece hoxe no Valadouro”, replicou.
O senador lucense, Cesar Mogo lembrou ademais que o PSOE impulsou diversas iniciativas para contribuír a dinamizar as oficinas de Correos. Concretamente propón promover os acordos de colaboración de Correos con entidades financeiras para que poidan prestar servizos de ingresos ou retirada de cartos en concellos sen sucursais bancarias nin caixeiros automáticos, ante o drástico aumento de municipios sen posibilidades de retirar o ingresar.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
