Xermade, 25 de agosto de 2021. A Xunta de Galicia reabriu ao tráfico na tarde de onte a autovía AG-64 (Ferrol-Vilalba) logo de rematar as obras de reforzo do firme executadas nun tramo de 13,4 quilómetros entre a intersección coa Autovía do Cantábrico A-8, no municipio vilalbés, e o enlace de Cabreiros. Ao mesmo tempo, proseguen as obras na LU-170 entre este punto e Xermade.
O delegado territorial de Lugo, Javier Arias, apuntou que se destinan en total 1,4 millóns de euros a ambas actuacións, que suporán a mellora de 19 quilómetros de estrada, 12 deles no concello xermadés.
No que respecta ás obras da autovía, a Consellería de Infraestruturas e Mobilidade destinou máis de 1 millón de euros á actuación, executada en dúas fases; hai uns meses completouse o arranxo da estrada en sentido Vilalba e foi preciso esperar ao verán para continuar cos carrís en sentido Ferrol, xa que as características da actuación facían necesaria a súa execución en condicións axeitadas dende o punto de vista meteorolóxico.
As obras da estrada LU-170 entre Xermade -na intersección da Pena- e Cabreiros contan cun investimento de 450.000 euros e mellorarán o firme en 5,5 quilómetros ata empatar co tramo xa rehabilitado pola Xunta hai uns anos. Coa posta en marcha destes traballos, que contan cun prazo de execución de 3 meses, habilitouse un desvío alternativo pola estrada LU-861, que estará operativo ata o vindeiro 10 de setembro.
Esta actuación ampliaría desde os 5 ata os 7 metros a plataforma da estrada, incluíndo a rehabilitación do firme, acondicionamento das interseccións coas vías públicas, mellora da sinalización horizontal e vertical, balizamento e defensas e o sistema de drenaxe.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
