Lugo, 30 de setembro de 2021. Na Casa da Cultura de Alfoz foille rendida unha homenaxe ao profesor e escritor Pedro Rubal Pardeiro, con motivo dos seus noventa anos, acto no que participaron o Alcalde de Alfoz, Jorge Val Díaz, o Deputado de Relacións institucionais da Deputación Provincial, Roberto García Pernas; o Decano da Facultade de Filosofía da USC, Marcelino Agís Villaverde, e o Presidente do Colectivo Egeria, Xulio Xiz.
Presentouse o libro de Rubal Fuxindo da Saudade, que recolle os seus artigos publicados en GaliciaDigital (www.galiciadigital.com) os últimos dez anos, editado co apoio do Concello de Alfoz, do que Rubal é Fillo Predilecto. Así mesmo púxose en funcionamento a web pedrorubal.org, desenvolvida pola empresa lucense Galicia Digital, e que recolle a traxectoria vital do homenaxeado e toda a súa obra de creación. Por último, reinaugurouse a biblioteca pública municipal despois das obras nela realizadas, que se enriquece coa doazón que Pedro Rubal lle fixo da súa biblioteca persoal.
O libro Fuxindo da Saudade é un compendio dos artigos que Pedro Rubal ven publicando en GaliciaDigital con periodicidade semanal, nos que, baseándose en pensamentos ou tendencias filosóficas, analiza acontecementos da vida cotiá para proporcionar unha visión de especialista sobre a actualidade, de interese para especialistas e para todo lector preocupado pola marcha do noso mundo.
A web de homenaxe ao nonaxenario escritor está promovida polo Colectivo Egeria, realizada por GaliciaDigital e patrocinada polo Concello. Recolle na súa integridade os libros publicados por Rubal: De Maquiavelo a Wallraff. Dos víctimas de la hipocresía ajena; Evolución y complejidad. Perspectivas científica y metacientífica e Fuxindo da saudade, así como os artigos publicados na prensa escrita, revistas especializadas e en GaliciaDigital. Inclúense así mesmo opinións sobre o autor, formuladas por compañeiros, amigos, veciños ou alumnos deste.
Marcelino Agís Villaverde invitou publicamente ao profesor Rubal a acudir á súa Facultade para presentar ao alumnado esta última obra súa, para que os futuros filósofos poidan comprobar a brillantez dos coñecementos, a capacidade de análise e a vitalidade deste veciño de Alfoz, que durante a súa vida foise superando paulatinamente desde os primeiros estudos por libre no rural do norte da provincia, pasando por exercer como Procurador dos tribunais, obter a licenciatura e o doutorado en Filosofía, e conseguir a cátedra nesta especialidade, que desempeñou en varios institutos da Mariña luguesa.
Máis información: www.pedrorubal.org
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
