Burela, 11 de setembro, 2021. Desde este mes de setembro, Burela invita a facer una viaxe no tempo visitando no porto o local da Asociación de Mariñeiros Xubilados e Afíns, coñecido como “A Moncloa”. Esta é unha actividade que organiza a Fundación Expomar e na que colaboran as delegacións do Mar e Turismo do Concello de Burela, a Cronista Oficial do Concello de Burela, Herminia Pernas, e a propia Asociación de Mariñeiros Xubilados e Afíns «A Moncloa».
As visitas terán lugar os xoves e venres de catro a seis da tarde e os sábados e domingos de dez a doce da mañá. O público ao que van dirixidas non é só aos turistas que visitan a vila, senón tamén aos propios veciños de Burela, para animalos a achegarse e coñecer de primeira man os cimentos do “Orgullo Mariñeiro” do seu pobo.
A bordo dos recordos dos vellos mariñeiros poderanse coñecer as anécdotas e historias que forman o patrimonio cultural de Burela e de paso admirar a grande exposición de fotografías, maquinaria e artes de pesca que gardan no interior desta “Moncloa”.
A Asociación de Mariñeiros Xubilados e Afíns “A Moncloa” fundouse no ano 2008 para cubrir a necesidade de manter o vínculo coa que fora a súa vida no mar e cos seus compañeiros de logros e sacrificios, poñendo en valor o seu duro oficio, porque “quen foi mariñeiro non deixa nunca de selo”.
Á presentación destas visitas, que tivo lugar na propia sede social da asociación, na entrada do porto e fronte á Oficina de Turismo de Burela, asistiron os propios membros da “Moncloa”, ademais de representantes da Fundación Expomar e o Concello de Burela.
Alfredo Llano, alcalde de Burela e presidente da Fundación Expomar: “Ademais de dar a coñecer a nosa historia e recuperar o noso patrimonio cultural, con esta actividade queremos facer un recoñecemento ás xentes do mar: gracias ó seu labor Burela é hoxe un referente económico en toda a provincia”.
José M. González ‘Brais’, xerente da Fundación Expomar, inclúe esta iniciativa dentro do seu obxectivo de promocionar o sector náutico pesqueiro local: “Que mellor maneira de facelo que honrando aos seus verdadeiros protagonistas! A xente que fixo posible que Burela e o seu porto sexan hoxe un referente no mundo da pesca”.
Carmela López, concelleira de Mar do Concello de Burela: “Os mariñeiros da “Moncloa” son hoxe a segunda Oficina de Turismo de Burela, e gracias a eles e á súa memoria non esquecemos o noso pasado mariñeiro”.
Ramiro Fernández, concelleiro de Turismo do Concello de Burela, celebra a posta en marcha desta nova acción: “Esta é unha actividade que axuda a complementar o traballo feito co Barco Museo, que este ano bateu record de visitas e xa é un referente turístico non só de Burela, senón de toda a comarca”.
Herminia Pernas, cronista oficial do Concello de Burela e secretaria da Asociación de Mariñeiros Xubilados e Afíns A Moncloa: “Esta actividade dalle continuidade ao traballo que a asociación xa viña facendo, e coa que se quere destacar aínda máis que Burela, ademais de ser “bonita”, nunca perda a súa esencia e orgullo mariñeiro”.
Ao finalizar a presentación tamén se proxectou un vídeo realizado por Arracada Produccións con intervencións de antigos mariñeiros xa falecidos de Burela e que falaban sobre a historia da pesca, do porto e das xentes do mar da vila… un aperitivo do que estas visitas á “Moncloa” poden ofrecer aos visitantes.
VER VÍDEO: https://youtu.be/KmsnoT3-Foc
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
