Santiago, 3 de setembro 2021. A deputada do BNG, Carme Aira denunciou no Parlamento “a precariedade laboral” das Oficinas Agrarias Comarcais e demandou dotalas de persoal para facilitar os trámites e asesoramento ás persoas agricultoras. A iniciativa defendida pola nacionalista foi rexeitada na Comisión de Agricultura polo Partido popular.
Para a deputada, as carencias das oficinas impide desenvolver as súas competencias e a pesar do estudo anunciado no 2019 pola consellería para determinar os recursos necesarios, no ano 2021, “a situación non mudou”.
As oficinas agrarias comarcais, explicou, deben asesorar ás persoas relacionadas coa actividade agropecuaria e “ninguén pode negar, a estas alturas, que os requirimentos administrativos, burocráticos e competenciais para exercer labores agropecuarias son cada día máis, e máis complexos”, recalcou.
Cada novo regulamento da PAC, engadiu, promete ser máis simple pero a realidade demostra que a “solicitude e cumprimento de requisitos para cobro de axudas eleva as exixencias e adaptarse a elas debe contar cun asesoramento público e de proximidade”.
Na actualidade, reiterou Carme Aira, as oficinas están dotadas de persoal de “xeito irregular”, non se cubren as baixas de longa duración, existen prazas vacantes de persoal técnico e baixas en xeral.
O BNG advirte da externalización e unha “privatización encuberta”
Aira criticou que a Consellería en troques de buscar unha solución permite a externalización conducindo ás persoas usuarias a realizar os trámites en xestorías. Neste sentido, urxiu “a consellería a dotar dunha persoa e medios as oficinas como punto de atención ao público para os trámites de rexistro diante da administración”.
Outra cuestión que preocupa ao persoal, dixo nacionalista, é a falta de diálogo coa consellería á hora de implantar novas medidas entre as que destacou o control monitorizado da PAC por satélite, sistema pioneiro en Lugo. Medidas que permiten corrixir as eivas detectadas cara o cobro de subvencións ou axudas da PAC, pero isto, indicou, “implántase sen coñecemento das usuarias e usuarios”, con pouca destreza en novas tecnoloxías de modo que para facer unha foto con xeolocalización ten inevitablemente que pagar, circunstancia que non se daría, dixo, si se facilita o asesoramento e axuda do persoal técnico.
Pola súa parte, o Partido popular propuxo unha emenda de substitución que a nacionalista non aceptou por considerar que non aportaba ningunha mellora a iniciativa do BNG e volveu a reclamar a información dos cadros de persoal das oficinas, FOGGA, Servizo de Explotacións Agrarias, Centro de formación e experimentación agroforestal e centros de investigación solicitada dende hai meses polo grupo parlamentario do BNG.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
